قازاقستاندا ۆەيپتەردٸڭ باعاسى كٶتەرٸلەدٸ. بۇل تۋرالى ۇلتتىق ەكونوميكا مينيسترٸ ەلٸبەك قۋانتىروۆ ايتتى, دەپ حابارلايدى Sputnik قازاقستان.
بٷگٸن مەجٸلٸستە سالىق كودەكسٸنە ٶزگەرٸستەر مەن تولىقتىرۋلار ەنگٸزۋ مەسەلەسٸ قارالدى. دەپۋتاتتار زاڭ جوباسىن بٸرٸنشٸ وقىلىمدا ماقۇلدادى. سونىڭ اياسىندا تەمەكٸگە عانا ەمەس, ۆەيپتەرگە دە اكتسيزدٸڭ باعاسىن كٶتەرۋ جوسپارلانىپ وتىر.
"قازٸرگٸ كەزدە سيگارەتتەر مەن قىزدىرىلاتىن تەمەكٸنٸڭ اكتسيزدەرٸ ديففەرەنتسيالدى تٷردە, شامامەن, 10 پروتسەنكە ٶسٸپ كەلەدٸ. بٸزدٸڭ ماقساتىمىز – ونى ەۋروپالىق دەڭگەيگە جەتكٸزۋ. بٸراق دەپۋتاتتار تاراپىنان قوسىمشا ۇسىنىستار تٷستٸ. وسى زاڭ جوباسىن تالقىلاۋ بارىسىندا اكتسيزدٸڭ مٶلشەرلەمەلەرٸ تاعى كٶتەرٸلۋٸ مٷمكٸن", - دەدٸ قۋانتىروۆ جالپى وتىرىستان كەيٸنگٸ بريفينگتە.
مينيستردٸڭ ايتۋىنشا, بٷگٸندە تەمەكٸنٸ قىزدىراتىن قۇرالداردى جاسپٶسپٸرٸمدەر جيٸ پايدالانادى. ال دٷنيەجٷزٸلٸك دەنساۋلىق ساقتاۋ ۇيىمىنىڭ قورىتىندىسىنا سەيكەس, ونداي قۇرالداردىڭ قاۋپٸ سيگارەتپەن بٸردەي.
"دەمەك, ۆەيپتەردٸڭ ادام دەنساۋلىعىنا تيگٸزەتٸن ەسەرٸ تەمەكٸمەن تەڭەستٸرٸلٸپ وتىر. وسىعان بايلانىستى بٸز دەپۋتاتتاردىڭ ۇسىنىسىن ەسكەرە وتىرىپ, اكتسيزدەردٸڭ مٶلشەرٸن كٶتەرۋ مەسەلەسٸن قاراستىرىپ شىعامىز", - دەپ اتاپ كٶرسەتتٸ قۋانتىروۆ.
ايتا كەتەرٸ, مەجٸلٸستٸڭ بٷگٸنگٸ وتىرىسىندا دەپۋتاتى ەدٸل جاڭبىرشين ۆەيپتەرگە تولىعىمەن تىيىم سالۋدى ۇسىندى. ال ۇلتتىق ەكونوميكا مينيسترٸ ەلٸبەك قۋانتىروۆتىڭ ايتۋىنشا, "ۆەيپتەرگە تىيىم سالىنسا, ادام دەنساۋلىعىنا قاۋٸپتٸ باسقا دا تاۋارلارعا تىيىم سالۋ مەسەلەسٸ تۋىندايدى". سوندىقتان وسى مەسەلەنٸ ەكونوميكالىق جولمەن شەشۋ كەرەك. ۆەيپتەر قىمبات بولسا, ونى الاتىن ادامدار دا ازايادى.
