فوتو: Akorda.kz
پرەزيدەنت قاسىم-جومارت توقاەۆ ۆەتنام پرەمەر-مينيسترٸ فام مين چينمەن كەزدەستٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
كەزدەسۋدە مەملەكەت باسشىسى بٷگٸن پرەزيدەنت ۆو ۆانگ تحىونگپەن نەتيجەلٸ كەلٸسسٶز جٷرگٸزگەنٸن جەنە ونىڭ بارىسىندا ەكٸجاقتى ىنتىماقتاستىقتىڭ نەگٸزگٸ باعىتتارى تالقىلانعانىن اتاپ ٶتتٸ.
قاسىم-جومارت توقاەۆتىڭ ايتۋىنشا, ەلٸمٸز ۆەتنامدى وڭتٷستٸك شىعىس ازيياداعى ەڭ باستى سەرٸكتەستەرٸنٸڭ بٸرٸ رەتٸندە قاراستىرادى. پرەزيدەنت حانويعا جاساعان ساپارىنىڭ نەتيجەسٸن جوعارى باعالادى.
– بٷگٸن تاڭەرتەڭ پرەزيدەنت ۆو ۆان تحىونگپەن ٶتە نەتيجەلٸ كەلٸسسٶز جٷرگٸزدٸم. بٸز كٶپتەگەن سالاداعى قارىم-قاتىناستارىمىز بەن ىنتىماقتاستىعىمىزدى نىعايتۋعا ىقپال ەتەتٸن ٶتە ماڭىزدى ۋاعدالاستىقتارعا قول جەتكٸزدٸك. جان-جاقتى ىنتىماقتاستىعىمىزدىڭ نەگٸزگٸ باعىتتارى ايقىندالعان بٸرلەسكەن كومميۋنيكە قابىلدادىق. سونداي-اق ۆەتنام كەسٸپكەرلەرٸمەن كەزدەسۋ ٶتكٸزدٸم. ولاردىڭ قازاقستان نارىعىنداعى قىزمەتٸن قولداۋعا دايىنمىن. بٸز ەلٸمٸزدە ۆەتنامدىق بيزنەستٸڭ ۇزاق ۋاقىت جۇمىس ٸستەۋٸنە شىن مەنٸندە مٷددەلٸ بولعاندىقتان كٶمەك كٶرسەتەمٸز. ۆەتنام – ەكونوميكالىق ٶسٸم تۇرعىسىنان قارقىندى دامىپ كەلە جاتقان ەل, – دەدٸ قاسىم-جومارت توقاەۆ.
مەملەكەت باسشىسى بٷگٸن قول قويىلعان ساۋدا-ەكونوميكالىق ىنتىماقتاستىقتى جەدەل دامىتۋ جٶنٸندەگٸ ٷكٸمەتارالىق بٸرلەسكەن ٸس-قيمىلدار جوسپارى ساۋدا, ينۆەستيتسييا, تەحنولوگييا, اۋىل شارۋاشىلىعى, ترانزيت جەنە تۋريزم سيياقتى ماڭىزدى سالالار بويىنشا ەكٸ ەلدٸڭ ٶزارا بايلانىستارىن جانداندىرۋعا ىقپال ەتەتٸن نەگٸزگٸ قۇجات بولاتىنىنا سەنٸم بٸلدٸردٸ.
ٶز كەزەگٸندە ۆەتنام پرەمەر-مينيسترٸ فام مين چين قاسىم-جومارت توقاەۆتىڭ ساپارى قازاقستان مەن ۆەتنامنىڭ ەكٸجاقتى ىنتىماقتاستىعىنا تىڭ سەرپٸن بەرەتٸنٸن اتاپ ٶتتٸ.
- ەكٸ تاراپ قول قويعان قۇجاتتار مەن كەلٸسٸمدەر كەلەشەكتە ىنتىماقتاستىعىمىزعا بەرٸك نەگٸز بولادى. سٸزبەن قازاقستان مەن ۆەتنامنىڭ ساياسات, ديپلوماتييا, ينۆەستيتسييا جەنە ساۋدا سالالارىنداعى قارىم-قاتىناسىن ودان ەرٸ دامىتىپ, تەرەڭدەتۋ جولدارىن تالقىلاۋعا مٷددەلٸمٸز, - دەدٸ فام مين چين.
