يتالييالىق ۆەلوشاباندوز دجانني موسكون «استانا» كومانداسىنىڭ قۇرامىندا ٶنەر كٶرسەتەدٸ. 27 جاستاعى سپورتشى الداعى ەكٸ ماۋسىمدا (2022 جەنە 2023) قازاقستان كومانداسىندا جارىسقا قاتىسادى, دەپ حابارلايدى قازاقپارات «استانا» كومانداسىنىڭ سايتىنا سٸلتەمە جاساپ.
«بٸر كوماندادا التى جىل ٶتكەرگەننەن كەيٸن مانسابىمدا ماڭىزدى قادام جاسادىم. بۇل مەن ٷشٸن جاڭا تەجٸريبە بولماق. وسى جىلدار ٸشٸندە ٷلكەن تەجٸريبە جينادىم, ەندٸ ونى جاڭا كوماندادا تولىقتاي ٸس جٷزٸندە قولدانعىم كەلەدٸ. «استاناداعى» بٸرٸنشٸ ماۋسىمىمدا كومانداعا پايدام تيٸپ, تابىسقا جەتۋگە تىرىسامىن. جوعارى دەڭگەيدەگٸ جارىستاردا ويداعىداي ٶنەر كٶرسەتەمٸن دەپ ٷمٸتتەنەمٸن. جاڭا كوماندامەن, باس مەنەدجەر الەكساندر ۆينوكۋروۆپەن, جاتتىقتىرۋشىلارمەن جەنە سپورت ديرەكتورلارىمەن جاڭا ماۋسىمعا جوسپار قۇرىپ, تالقىلاماقپىز. ٶزٸمدٸ كٶرسەتٸپ, جاقسى نەتيجەگە قول جەتكٸزەمٸن دەگەن ٷمٸتتەمٸن», - دەدٸ دجانني موسكون.
دجانني موسكون شابۋىلدايتىن ستيلٸمەن تانىمال. جاستار دەڭگەيٸندە جوعارى نەتيجە كٶرسەتكەننەن كەيٸن, 2016 جىلى العاشقى كەسٸبي كەلٸسٸمشارتىنا قول قويدى.
2016 جىلى يتالييالىق سپورتشى «نورۆەگييانىڭ اركتيكالىق جارىسىنىڭ» جالپى ەسەبٸن جەڭٸپ الىپ, «حالىقارالىق كوپپي-بارتالي اپتالىعىنىڭ» جالپى ەسەبٸندە ٷشٸنشٸ ورىندى قاناعات تۇتتى.
2017 جىلى جەكە جارىستا يتالييا چەمپيونى اتاعىنا يە بولىپ, مونۋمەنتالدى «كلاسسيكالىق» «لومباردييا تۋرىندا» ٷشٸنشٸ ورىن يەلەندٸ.
2018 جىلى «دجيرو دەللا توسكانا», «كوپا اگوستوني» جەنە «گۋانسي تۋرىندا» جالپى ەسەپتە ٷشٸنشٸ ورىن الىپ, ۇلتتىق چەمپيون اتاندى.
2021 جىلدىڭ وسى ماۋسىمىندا موسكون «الپى تۋرى» كەزەڭٸندە ەكٸ رەت جەڭٸسكە جەتٸپ, «لۋگانو باس جٷلدەسٸن» جەڭٸپ الدى.
