تانىمال قازاقستاندىق ۆاينەرلەر مەيٸرجان تٶرەباەۆ پەن مەيٸرحان شەرنييازوۆتى قاماۋداعى مەرزٸمٸ تاعى بٸر ايعا ۇزارتىلدى, - دەپ حابارلايدى "ۇلت اقپارات".
"الماتى قالاسىنىڭ مامانداندىرىلعان اۋدانارالىق تەرگەۋ سوتى 2022 جىلعى 18 قاراشاداعى سوت شەشٸمٸمەن كٷدٸكتٸنٸ قاماۋدا ۇستاۋ مەرزٸمٸن قىلمىستىق ٸس ماتەريالدارىمەن تانىسۋ كەزەڭٸندە بٸر ايعا, ياعني 18 جەلتوقسانعا دەيٸن سانكتسييالاۋ تۋرالى تەرگەۋ ورگاندارىنىڭ ٶتٸنٸشٸ قاناعاتتاندىرىلدى. شەشٸم زاڭدى كٷشٸنە ەنگەن جوق", - دەلٸنگەن سوتتىڭ باسپاسٶز حابارلاماسىندا.
سونداي-اق, سوت بٸر كٷننەن كەيٸن شەرنييازوۆقا قاتىستى قاۋلى شىعارعان. ونى قاماۋدا ۇستاۋ مەرزٸمٸ دە بٸر ايعا ۇزارتىلدى.
"سوت شەشٸمٸ بويىنشا, كٷدٸكتٸنٸ قىلمىستىق ٸس ماتەريالدارىمەن تانىسۋ كەزەڭٸندە قاماۋدا ۇستاۋ مەرزٸمٸن بٸر ايعا, ياعني 19 جەلتوقسانعا دەيٸن سانكتسييالاۋ تۋرالى تەرگەۋ ورگاندارىنىڭ ٶتٸنٸشٸ قاناعاتتاندىرىلدى", - دەپ تولىقتىردى سوت ٶكٸلدەرٸ.
ەسكە سالايىق, وسى جىلدىڭ اقپان ايىندا ۆاينەرلەر مەيٸرجان تٶرەباەۆ پەن مەيٸرحان شەرنييازوۆ Mudarabah Capital قارجى پيراميداسىن قۇردى دەگەن كٷدٸككە ٸلٸنگەن بولاتىن. 20 سەۋٸردە ولار 10 تەۋلٸككە قاماۋعا الىنعان. ال ونىڭ مەرزٸمٸ تەرگەۋ جۇمىستارىنا بايلانىستى ەر اي سايىن ۇزارتىلىپ كەلەدٸ.
