فوتو: Getty images
قازاقستاننىڭ بٸرٸنشٸ راكەتكاسى ەلەنا رىباكينا اقش استاناسىندا ٶتٸپ جاتقان WTA 500 ساناتىنداعى تۋرنيردە ٶنەرٸن اياقتادى. جارتىلاي فينال كەزەڭٸندە ول كانادانىڭ ٶكٸلٸ لەيلا فەرناندەسكە ەسە جٸبەرٸپ, جارىستان شىعىپ قالدى. جەڭٸس پەن جەڭٸلٸس اراسىندا شايقاسقا اينالعان ماتچ ٷش ساعاتتان استام ۋاقىتقا سوزىلىپ, ناعىز پسيحولوگييالىق جەنە فيزيكالىق سىناققا اينالدى. بۇل تۋرالى sports24-كە سٸلتەمە جاساپ ult.kz حابارلايدى.
ەلەمنٸڭ 12-راكەتكاسى بولىپ سانالاتىن رىباكينا رەيتينگٸدە 36-ورىندا تۇرعان قارسىلاسىمەن تەڭ دەرەجەدە كٷرەسٸپ, العاشقى سەتتە تاي-برەيكتە جەڭٸسكە جەتتٸ - 7:6 (7:5). الايدا كەلەسٸ ەكٸ سەتتە تاي-برەيكتەردە از عانا باسىمدىقپەن ۇتىلىپ, ماتچ تاعدىرىن فەرناندەس شەشتٸ - 6:7 (4:7), 6:7 (3:7).
ەلەنا ماتچ بارىسىندا جوعارى دەڭگەيدە ويناپ, ەيستەر بويىنشا جاقسى كٶرسەتكٸشكە قول جەتكٸزدٸ, بٸراق شەشۋشٸ سەتتەردە قاتەلٸكتەرگە جول بەرٸپ, فينالدان تىس قالدى. ويىن بارىسىندا قوس تەننيسشٸ دە سابىرلىلىق پەن شەبەرلٸكتٸڭ ٷلگٸسٸن كٶرسەتتٸ.
WTA 500 ۆاشينگتون. حارد. جارتىلاي فينال
ەلەنا رىباكينا (قازاقستان, 12) – لەيلا فەرناندەس (كانادا, 36) — 7:6 (7:5), 6:7 (4:7), 6:7 (3:7)
ايتا كەتەيٸك, بۇعان دەيٸن رىباكينا شيرەك فينالدا پولشانىڭ تەننيسشٸسٸ ماگدالەنا فرەنحتٸ جەڭٸپ, جارتىلاي فينالعا جولداما العان بولاتىن.
