Foto: Getty images
Qazaqstannyń birinshi raketkasy Elena Rybakina AQSh astanasynda ótip jatqan WTA 500 sanatyndaǵy týrnirde ónerin aiaqtady. Jartylai final kezeńinde ol Kanadanyń ókili Leila Fernandeske ese jiberip, jarystan shyǵyp qaldy. Jeńis pen jeńilis arasynda shaiqasqa ainalǵan match úsh saǵattan astam ýaqytqa sozylyp, naǵyz psihologiialyq jáne fizikalyq synaqqa ainaldy. Bul týraly sports24-ke silteme jasap ult.kz habarlaidy.
Álemniń 12-raketkasy bolyp sanalatyn Rybakina reitingide 36-orynda turǵan qarsylasymen teń dárejede kúresip, alǵashqy sette tai-breikte jeńiske jetti - 7:6 (7:5). Alaida kelesi eki sette tai-breikterde az ǵana basymdyqpen utylyp, match taǵdyryn Fernandes sheshti - 6:7 (4:7), 6:7 (3:7).
Elena match barysynda joǵary deńgeide oinap, eister boiynsha jaqsy kórsetkishke qol jetkizdi, biraq sheshýshi sátterde qatelikterge jol berip, finaldan tys qaldy. Oiyn barysynda qos tennisshi de sabyrlylyq pen sheberliktiń úlgisin kórsetti.
WTA 500 Vashington. Hard. Jartylai final
Elena Rybakina (Qazaqstan, 12) – Leila Fernandes (Kanada, 36) — 7:6 (7:5), 6:7 (4:7), 6:7 (3:7)
Aita keteiik, buǵan deiin Rybakina shirek finalda Polshanyń tennisshisi Magdalena Frenhti jeńip, jartylai finalǵa joldama alǵan bolatyn.
