رەسەي ۆەنەسۋەلداعى جاعدايدى ۋشىقتىرىپ جاتقاندا اقش قاراپ وتىرمايدى. اقش مەملەكەتتٸك حاتشىسى مايك پومپەو رەسەي سىرتقى ٸستەر مينيسترٸ سەرگەي لاۆروۆپەن تەلەفونمەن ەڭگٸمەسٸندە وسىلاي ەسكەرتتٸ.
پومپەو رەسەيدٸڭ ۆەنەسۋەلاداعى ەرەكەتٸنە كٶڭٸلٸ تولماي وتىرعان اق ٷي رەاكتسيياسىن جەتكٸزدٸ. مەملەكەتتٸك دەپارتامەنتتٸڭ باسپاسٶز حاتشىسى روبەرت پاللادينونىڭ سٶزٸنشە, رەسەي ۆەنەسۋەلاداعى ونسىز دا شيەلەنٸسٸپ تۇرعان جاعدايدى ودان ەرٸ ۋشىقتىرىپ جاتىر. پومپەو "مەسكەۋ كاراكاستاعى ورىنسىز قىلىعىن دوعارۋى كەرەك" دەپ سانايدى.
24 ناۋرىزدا ۆەنەسۋەلا استاناسى كاراكاسقا رەسەي سىرتقى ٸستەر مينيسترلٸگٸنە تيەسٸلٸ ەكٸ ۇشاق – يل-62 مەن ەلەمدەگٸ ەڭ ٸرٸ ان-124 جٷك ۇشاعى كەلٸپ قونعان. باسىلىمدار حابارلاۋىنشا, بۇل ۇشاقتارمەن ەسكەري-تەحنيكالىق سەرٸكتەستٸك جايلى كەڭەسۋگە رەسەيلٸك ەسكەريلەر كەلگەن. رەسەي ەسكەريلەرٸنٸڭ ۆەنەسۋەلاعا كەلۋٸنٸڭ ناقتى سەبەبٸ بەلگٸسٸز, الايدا كاراكاس پەن مەسكەۋ بىلتىر جەلتوقساندا وڭتٷستٸكامەريكالىق ەلدٸڭ قورعانىسىن جاقسارتۋدا بٸرٸگە ەرەكەت ەتەتٸنٸن حابارلاعان.
ەسكەريلەردٸڭ - تٷرلٸ دەرەك بويىنشا - شامامەن 100 ادامنىڭ كاراكاسقا كەلۋٸن دە لاۆروۆ پەن پومپەو سٶز ەتكەن. مەملەكەتتٸك حاتشى "ۆەنەسۋەلادا نيكولاس مادۋرو رەجيمٸن ۇستاپ تۇرۋ ٷشٸن رەسەيلٸك ەسكەريلەردٸ كٸرگٸزۋ باسىم بٶلٸگٸ ۋاقىتشا پرەزيدەنت حۋان گۋايدونى قولدايتىن سونداعى حالىقتىڭ ازابىن ارى قاراي سوزا بەرمەك".
رەسەي مەن قىتاي – مادۋرونىڭ ەڭ ٸرٸ جاقتاۋشىلارى. ال گۋايدونى اقش پەن ەۋروپا وداعى, لاتىن امەريكا ەلدەرٸنٸڭ شامامەن بارلىعى, سونداي-اق باسىم بٶلٸگٸ باتىس ەلدەرٸنەن تۇراتىن 40-تان اسا مەملەكەت قولدايدى.
مادۋرو مەن گۋايدو اراسىنداعى جانجال بيىل 23 قاڭتاردا ۆەنەسۋەلا پارلامەنتٸ وپپوزيتسييالىق ساياساتكەر گۋايدونى ۋاقىتشا پرەزيدەنت دەپ تانىعان سوڭ باستالعان. سودان بەرٸ ۆاشينگتون مادۋروعا قىسىم كٶرسەتۋ ٷشٸن ۆەنەسۋەلا تابىسىنىڭ نەگٸزگٸ كٶزٸ سانالاتىن مەملەكەتتٸك Petroleos de Venezuela مۇناي كومپانيياسىنا سانكتسييا سالۋ سيياقتى بٸرنەشە شارا قابىلداعان.
