قر ۇلتىق بانكٸنٸڭ تٶراعاسى عالىمجان پٸرماتوۆ بانك جٷيەسٸندەگٸ دەپوزيتتەر كٶرسەتكٸشٸن باياندادى. اقپان ايىندا دەپوزيتتەر 38%-عا دەيٸن دوللارلانعان, دەپ حابارلايدى قازاقپارات.
«بانك جٷيەسٸندەگٸ دەپوزيتتەر جىل باسىنان بەرٸ 27,7 ترلن تەڭگەگە دەيٸن 2,3%-عا ۇلعايدى, ونىڭ ٸشٸندە زاڭدى تۇلعالاردىڭ سالىمدارى – 14,1 ترلن تەڭگەگە دەيٸن 2,1%-عا, جەكە تۇلعالاردٸكٸ 13,6 ترلن تەڭگەگە دەيٸن 2,5%-عا ارتتى», - دەدٸ عالىمجان پٸرماتوۆ ٷكٸمەت وتىرىسىندا.
ونىڭ ايتۋىنشا, ۆاليۋتالىق سالىمدار 10,6 ترلن تەڭگەگە دەيٸن 8,9%-عا ٶستٸ, ال ۇلتتىق ۆاليۋتاداعى دەپوزيتتەر 17,1 ترلن تەڭگەگە دەيٸن 1,5%-عا تٶمەندەدٸ. نەتيجەسٸندە, دەپوزيتتەردٸڭ دوللارلانۋى اقپان ايىندا 38,4% بولعان.
«رەسەي بانكتەرٸنە جەنە ولاردىڭ قازاقستانداعى ەنشٸلەس ۇيىمدارىنا سانكتسييالاردىڭ كٷشەيۋٸ اتالعان بانكتەردٸڭ جۇمىسىنا, اتاپ ايتقاندا دوللارداعى, ەۋروداعى اۋدارىمدار مەن كارتالىق وپەراتسييالارعا ەسەر ەتتٸ. Visa جەنە Mastercard حالىقارالىق تٶلەم جٷيەلەرٸ ولاردىڭ كارتالارى بويىنشا وپەراتسييالارعا شەكتەۋ قويدى. ۇلتتىق بانك بانكتەردٸڭ ٶز كليەنتتەرٸنە قىزمەت كٶرسەتۋٸ ٷشٸن جاعداي جاساۋدا. رەسەي بانكتەرٸنٸڭ ەنشٸلەس بانكتەرٸ شەكتەۋسٸز تٷردە قولما-قول تەڭگەمەن قامتاماسىز ەتٸلۋدە.
اتالعان بانكتەرگە ەنگٸزٸلگەن سانكتسييالار مەن شەكتەۋلەر قازاقستاندىق بانكتەردٸڭ قىزمەتٸنە بايلانىستى ەمەس جەنە ولارعا ىقپال ەتپەيدٸ. ۇلتتىق بانك جاعدايدىڭ دامۋى مەن ولاردىڭ نارىقتارعا ىقپالىن ٷنەمٸ قاداعالاپ, سانكتسييالاردىڭ قازاقستاننىڭ قارجى جٷيەسٸنە ەسەر ەتۋ دەرەجەسٸن باعالاپ وتىرادى, سونداي-اق قارجى جەنە باعا تۇراقتىلىعىن قامتاماسىز ەتۋ ٷشٸن شارا قابىلداۋدى جالعاستىرادى», - دەدٸ عالىمجان پٸرماتوۆ.
