مەجٸلٸستٸڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە شەتەل ۆاليۋتاسىنداعى يپوتەكالىق قارىزدار جەنە كٶرسەتٸلەتٸن تٶلەم قىزمەتتەرٸ نارىعىنىڭ سۋبەكتٸلەرٸن رەتتەۋدٸ جەتٸلدٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى ەكٸنشٸ وقىلىمدا ماقۇلداندى, دەپ حابارلايدى قازاقپارات.
زاڭ جوباسىنىڭ نەگٸزگٸ ماقساتى - ۆاليۋتالىق يپوتەكا الۋشىلاردىڭ بورىشتىق جٷكتەمەسٸن تٶمەندەتۋ جەنە بولاشاقتا ۆاليۋتالىق تەۋەكەلدٸ بولعىزباۋ, سونداي-اق بانكتٸك ەمەس قارجى ۇيىمدارى مەن تٶلەم جٷيەلەرٸنٸڭ قىزمەتٸن رەتتەۋدٸ جەتٸلدٸرۋ.
مەجٸلٸس دەپۋتاتى پەتر شاراپاەۆتىڭ ايتۋىنشا, زاڭ جوباسى بويىنشا كوميتەتتەر مەن دەپۋتاتتاردان 80-نەن استام ۇسىنىس تٷستٸ. ونىڭ ٸشٸندە 2020 جىلدىڭ سوڭىنا دەيٸن ەكونوميكالىق ٶسۋدٸ قالپىنا كەلتٸرۋ جٶنٸندەگٸ كەشەندٸ جوسپار اياسىندا كٶزدەلگەن. اتاپ ايتقاندا ينفراقۇرىلىمدى, ٸشكٸ ٶندٸرٸستٸ, كەسٸپكەرلٸكتٸ دامىتۋدى قولداۋعا جەنە جۇمىسپەن قامتۋدى قامتاماسىز ەتۋگە قاتىستى شارالاردى ٸسكە اسىرۋدى زاڭنامالىق تۇرعىدان قامتاماسىز ەتۋ ماقساتىنداعى تٷزەتۋلەر ەنگٸزٸلدٸ.
زاڭ جوباسىنىڭ جەكەلەگەن نورمالارىن جەتٸلدٸرۋ ماقساتىندا مىناداي تٷزەتۋلەر ەسكەرٸلگەن:
1) قارجىلىق كٶرسەتٸلەتٸن قىزمەتتەردٸ تۇتىنۋشىلاردىڭ قۇقىقتارىن قورعاۋ بٶلٸگٸندە:
- بانكتەرگە بورىشتىق جٷكتەمەنٸ تٶمەندەتۋ ماقساتىندا شەتەل ۆاليۋتاسىن ۇلتتىق ۆاليۋتاعا اۋىستىرۋ كەزٸندە شەتەل ۆاليۋتاسىنداعى يپوتەكالىق قارىز بويىنشا قارىز الۋشىنىڭ اقشالاي مٸندەتتەمەسٸن ازايتۋ تٷرٸندەگٸ جاقسارتۋ شارتىن ۆاليۋتالىق يپوتەكالىق قارىز الۋشىنىڭ ٶتٸنٸشٸنسٸز قولدانۋ قۇقىعى بەرٸلدٸ;
2) ميكروقارجى قىزمەتٸن ليتسەنزييالاۋ بٶلٸگٸندە:
- ميكروقارجى قىزمەتٸن جٷزەگە اسىراتىن ۇيىمداردى ەسەپتٸك تٸركەۋدٸڭ ورنىنا 2021 جىلعى 1 قاڭتاردان باستاپ ميكروقارجى قىزمەتٸن ليتسەنزييالاۋ ەنگٸزٸلەدٸ;
3) ازاماتتىق-قۇقىقتىق سيپاتتاعى شارتتار بويىنشا كٸرٸس الاتىن جەكە تۇلعالار ٷشٸن جٷكتەمەنٸ تٶمەندەتۋ ماقساتىندا مٸندەتتٸ زەينەتاقى جارنالارى الىنعان كٸرٸستٸڭ 10 پايىزىنان 5 پايىزىنا دەيٸن تٶمەندەتٸلدٸ.
