قازاقستاندا قىزىلشاعا قارسى ۆاكتسيناتسييادان باس تارتۋ - وسى اۋرۋعا شالدىعۋعا ىقتيمالدىلىقتى ٷش ەسەلەيدٸ. بۇل تۋرالى وكق-دا ٶتكەن باسپاسٶز مەسليحاتىندا قر باس مەملەكەتتٸك سانيتارييالىق دەرٸگەرٸ جانداربەك بەكشين مەلٸم ەتتٸ, دەپ حابارلايدى قازاقپارات تٸلشٸسٸ.
«بٸزدٸڭ مٸندەتٸمٸز - يممۋندى ەمەس كونتينگەنتتٸ انىقتاۋ. امەريكالىق عالىمدار 2017 جىلى زەرتتەۋ جۇمىستارىن جٷرگٸزگەن بولاتىن. ول عالىمدار ەگەر ۆاكتسيناتسييادان باس تارتقانداردىڭ سانى 5 پايىزعا ٶسەتٸن بولسا, وسى اۋرۋعا شالدىعۋ دەيگەيٸ ٷش ەسەگە كٶبەيەتٸنٸن دەلەلدەپ شىقتى. ەگەر ٶتكەن جىلى ەلٸمٸزدە ۆاكتسيناتسييادان 6 مىڭ ادام باس تارتسا, ەندەشە قىزىلشاعا شالدىعۋشىلاردىڭ سانى 18 مىڭعا جەتەدٸ دەپ بولجاي بەرۋگە بولادى. قىزىلشا ٶزٸنٸڭ مەڭدەپ كەتۋٸمەن قاۋٸپتٸ. تەك سيمپتوماتيكا بويىنشا ەمدەلەدٸ», - دەيدٸ جانداربەك بەكشين.
ەسكە سالا كەتسەك, قازاقستاندا 1 سەۋٸردەن باستاپ قىزىلشاعا قارسى ۆاكتسيناتسييا جٷرگٸزٸلەدٸ.
«قازٸرگٸ تاڭدا قازاقستاندا قىزىلشا بويىنشا ەپيدەميولوگييالىق جاعداي كٶڭٸل كٶنشٸتپەيدٸ. سوندىقتان, بٷگٸنگٸ تاڭدا بٸزدٸڭ قىزمەتكەرلەرٸمٸز الدىن الۋ جۇمىستارىنا باسا نازار اۋدارىپ وتىر. بيىلعى جىلدىڭ 1 قاڭتارىنان باستاپ ەلٸمٸزدە 4670 جاعداي تٸركەلدٸ. ونىڭ ٸشٸندە بالالاردىڭ قىزىلشاعا شالدىعۋى 71 پايىزدى قۇرايدى. سوڭعى اپتادا ەلٸمٸزدە 450 جاعداي تٸركەلدٸ», - دەيدٸ قر دسم قوعامدىق دەنساۋلىق ساقتاۋ كوميتەتٸنٸڭ تٶراعاسى - قر باس مەملەكەتتٸك سانيتارييالىق دەرٸگەرٸ جانداربەك بەكشين وكق-دا ٶتكەن باسپاسٶز مەسليحاتىندا.
