ۆاكتسيناتسييا: قازاقستان تمد ەلدەرٸنٸڭ اراسىندا كٶش باستاپ تۇر

قازاقستان حالىقتى COVID-19-عا قارسى ۆاكتسينالاۋ كٶرسەتكٸشٸ بويىنشا تمد ەلدەرٸنٸڭ اراسنىدا كٶش باستاپ تۇر, دەپ حابارلايدى قازاقپارات.

ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي وسىنداي دەرەك كەلتٸردٸ. 

«بٷگٸنگٸ تاڭدا قىزىل ايماقتا 2 ٶڭٸر (پاۆلودار جەنە سولتٷستٸك قازاقستان وبلىستارى) قالدى. 5 ٶڭٸر – سارى ايماقتا (قاراعاندى, قوستاناي, اقمولا, اتىراۋ جەنە نۇر-سۇلتان قالاسى). 

قازاقستان رەسپۋبليكاسى جەنە قالعان 10 ٶڭٸر جاسىل ايماقتا ورنالاسقان. اۋرۋشاڭدىقتىڭ رەپرودۋكتيۆتٸلٸك سانى - 0,96», - دەگەن ۆەدومستۆو باسشىسى ەلٸمٸزدە كەيٸنگٸ ەكٸ ايدا سىرقاتتانۋ 3,8 ەسە, ال ٶلٸم-جٸتٸم 2,4 ەسە تٶمەندەگەنٸن اتادى. 

ايتۋىنشا, 1 تامىزدان بەرٸ رەسپۋبليكا كٶلەمٸندە ينفەكتسييالىق تٶسەكتەردٸڭ جٷكتەلٸمٸ 56-دان 30%-عا دەيٸن, رەانيماتسييالىق تٶسەكتەردٸڭ 45-تەن 27%-عا دەيٸن تٶمەندەگەن. ەم الۋشىلار سانى بويىنشا دا وڭ ديناميكا بار. سوڭعى ٷش ايدا ناۋقاستار سانى 2,6 ەسە – 90 767-دەن 34 068 ناۋقاسقا دەيٸن ازايعان. 

«حالىقتى كۆي-عا قارسى ۆاكتسيناتسييالاۋ جالعاسۋدا. بٸرٸنشٸ كومپونەنتپەن 8,5 ميلليوننان استام ادام ەكپە الدى. بۇل تيٸستٸ ەرەسەك حالىقتىڭ 75,1%- نەمەسە جالپى حالىقتىڭ 45,3%-ى دەگەن سٶز. ەكٸنشٸ كومپونەنتتٸ 7,8 ملن ادام, ياعني تيٸستٸ حالىقتىڭ 68,8%-ى نەمەسە جالپى حالىقتىڭ 41,5%-ى قابىلدادى. 

كوروناۆيرۋس ينفەكتسيياسىنا قارسى ۆاكتسينالاۋ جٷرگٸزٸلەتٸن 207 ەلدٸڭ ەلەمدٸك رەيتينگٸ سٸندە قازاقستان حالىقتى كۆي-گە قارسى ەكٸ دوزامەن قامتۋ بويىنشا 104-ورىندا. تمد ەلدەرٸ اراسىندا قازاقستان بۇل كٶرسەتكٸش بويىنشا كٶش باستاپ تۇر», - دەدٸ الەكسەي تسوي.