Qazaqstan halyqty COVID-19-ǵa qarsy vaktsinalaý kórsetkishi boiynsha TMD elderiniń arasnyda kósh bastap tur, dep habarlaidy QazAqparat.
Úkimet otyrysynda QR Densaýlyq saqtaý ministri Aleksei Tsoi osyndai derek keltirdi.
«Búgingi tańda qyzyl aimaqta 2 óńir (Pavlodar jáne Soltústik Qazaqstan oblystary) qaldy. 5 óńir – sary aimaqta (Qaraǵandy, Qostanai, Aqmola, Atyraý jáne Nur-Sultan qalasy).
Qazaqstan Respýblikasy jáne qalǵan 10 óńir jasyl aimaqta ornalasqan. Aýrýshańdyqtyń reprodýktivtilik sany - 0,96», - degen vedomstvo basshysy elimizde keiingi eki aida syrqattaný 3,8 ese, al ólim-jitim 2,4 ese tómendegenin atady.
Aitýynsha, 1 tamyzdan beri respýblika kóleminde infektsiialyq tósekterdiń júktelimi 56-dan 30%-ǵa deiin, reanimatsiialyq tósekterdiń 45-ten 27%-ǵa deiin tómendegen. Em alýshylar sany boiynsha da oń dinamika bar. Sońǵy úsh aida naýqastar sany 2,6 ese – 90 767-den 34 068 naýqasqa deiin azaiǵan.
«Halyqty KVI-ǵa qarsy vaktsinatsiialaý jalǵasýda. Birinshi komponentpen 8,5 millionnan astam adam ekpe aldy. Bul tiisti eresek halyqtyń 75,1%- nemese jalpy halyqtyń 45,3%-y degen sóz. Ekinshi komponentti 7,8 mln adam, iaǵni tiisti halyqtyń 68,8%-y nemese jalpy halyqtyń 41,5%-y qabyldady.
Koronavirýs infektsiiasyna qarsy vaktsinalaý júrgiziletin 207 eldiń álemdik reitingi sinde Qazaqstan halyqty KVI-ge qarsy eki dozamen qamtý boiynsha 104-orynda. TMD elderi arasynda Qazaqstan bul kórsetkish boiynsha kósh bastap tur», - dedi Aleksei Tsoi.
