قازاقستان كوروناۆيرۋسقا قارسى AstraZeneca ۆاكتسيناسىن ٶندٸرۋشٸلەرمەن كەلٸسسٶزدٸ توقتاتتى. بۇل تۋرالى جۇما كٷنگٸ بريفينگ كەزٸندە "سك-فارماتسييا" كومپانيياسى باسقارماسىنىڭ تٶراعاسى ەرحات ەسقاليەۆ حابارلادى.
"بارلىق ٶندٸرۋشٸلەرمەن كەلٸسسٶز جٷرگٸزٸلٸپ جاتىر, AstraZeneca-مەن كەلٸسسٶز توقتاتىلدى, سەبەبٸ ۆاكتسينا تٶڭٸرەگٸندە نەگاتيۆ كٶپ" دەدٸ ەسقاليەۆ.
ونىڭ سٶزٸنە قاراعاندا, Pfizer ۆاكتسيناسىن ٶندٸرۋشٸلەرمەن كەلٸسسٶز جالعاسىپ جاتىر, الايدا كومپانييا ەزٸرگە ەكپەنٸ جەتكٸزۋ كەستەسٸن كٶرسەتپەگەن.
اعىلشىن-شۆەد كومپانيياسى مەن وكسفورد ۋنيۆەرسيتەتٸ بٸرٸگٸپ جاساعان AstraZeneca (2 دوزالى) ۆاكتسيناسى ادام اعزاسىندا ترومبتاردىڭ تٷزٸلۋٸنە ىقپال ەتۋٸ مٷمكٸن دەگەن اقپاراتقا الاڭداعان كەيبٸر ەلدەر وسىعان دەيٸن اتالعان ۆاكتسينانى پايدالانۋدى شەكتەگەن ەدٸ. ال ەۋروپانىڭ رەتتەۋشٸ ورگانى ۆاكتسينانىڭ قاۋٸپسٸز ەرٸ تيٸمدٸ ەكەنٸن ايتقاننان كەيٸن ەۋروپادا ۆاكتسينالاۋ ناۋقانى جالعاسقان.
ناۋرىز ايىنىڭ سوڭىندا AstraZeneca كومپانيياسى قايتا تەكسەرٸستەن سوڭ پرەپاراتتىڭ تيٸمدٸلٸگٸن 85 پايىزدان 79 پايىزعا تٷسٸرگەن.
قازاقستاندا قازٸر ازاماتتارعا رەسەيلٸك "سپۋتنيك V", قازاقستاندىق QazVac جەنە قىتايلىق Sinopharm جەنە "Sinovac Biotech Ltd" كومپانيياسىنىڭ CoronaVac (Sinovac) ۆاكتسيناسى ەگٸلٸپ جاتىر.
