قر دەنساۋلىق ساقتاۋ مينيسترلٸگٸ ۆاكتسينالاۋ پاسپورتىن ساتىپ الىپ, كوروناۆيرۋسپەن اۋىرعان ناۋقاستار تۋرالى ايتتى, دەپ حابارلايدى قازاقپارات.
قر دسم ينفەكتسييالىق اۋرۋلاردى ەپيدەميولوگييالىق قاداعالاۋ باسقارماسىنىڭ باسشىسى روزا قوجاپوۆانىڭ ايتۋىنشا, ۆاكتسينا العان ادامدار دا اۋىرىپ قالۋى مٷمكٸن. الايدا, ۆاكتسينا سالدىرعانداردا اۋرۋ جەڭٸلدەۋ ٶتەدٸ.
«بٸز جۇقتىرۋ جاعدايلارى سانىن باقىلاپ وتىرامىز: ۆاكتسينانىڭ بٸرٸنشٸ دوزاسىن العاندار اراسىندا – 1325 جۇقتىرۋ جاعدايى, ەكٸ دوزا العاندار اراسىندا – 964 جاعداي تٸركەلگەن. سونداي-اق, بٸز ۆاكتسينا سالدىرعاندار اراسىندا اۋرۋدىڭ قالاي ٶتەتٸنٸن قاداعالايمىز – اۋرۋحاناعا جاتقىزىلعاندار بار, بٸراق ولاردىڭ كٶپشٸلٸگٸن ٸلەسپە سەبەپتەردٸڭ اۋىر بولعانى ٷشٸن اۋرۋحاناعا جاتقىزۋدا», - دەدٸ سپيكەر ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سونىمەن بٸرگە, قوجاپوۆا ۆاكتسينالاۋ پاسپورتىن ساتىپ الىپ, اۋىر جاعدايدا اۋرۋحاناعا تٷسكەن ناۋقاس تۋرالى ايتىپ بەردٸ.
«جانساقتاۋ بٶلٸمٸنە تٷسۋ بويىنشا دا جەكەلەگەن جاعدايلار بولدى. مىسالى بٸر ادامنىڭ ەكپە سالدىرماي, زاڭنامانى بۇزىپ, ۆاكتسينالاۋ پاسپورتىن العانى بەلگٸلٸ بولدى, ونى ٶزٸ كوروناۆيرۋس جۇقتىرىپ, جاعدايى اۋىرلاعاندا مويىندادى. ۆاكتسينا العان ناۋقاستاردا جۇقپانىڭ اۋىر ٶتۋٸ سيرەك, تٸپتٸ تٶمەن كٶرسەتكٸشتە دەۋگە بولادى», - دەيدٸ قوجاپوۆا.
