وڭتٷستٸك جەزقازعان كەنٸشٸندە «قازاقمىس كورپوراتسيياسى» جشس باسشىسى ر. ٶسكەنەلٸ ەڭبەك ۇجىمىمەن كەزدەسۋ ٶتكٸزدٸ. مۇنداي اشىق فورماتتاعى جٷزدەسۋ كٶپتەگەن جۇمىسشىلار ٷشٸن توسىن جاڭالىق بولدى. شاحتەرلەردٸڭ ايتۋىنشا, كومپانييانىڭ بۇرىنعى باسشىلىعى ٶندٸرٸستٸك الاڭداردا وسىنداي جەدەل ەرٸ اشىق كەزدەسۋلەر ٶتكٸزبەگەن, دەپ حابارلايدى ult.kz.
كەزدەسۋ بارىسىندا كومپانييانىڭ جاڭا باسشىلىعى جۇمىسىنىڭ نەگٸزگٸ باعىتتارى تانىستىرىلدى. ەڭگٸمە شيكٸزاتتىق رەسۋرستىق بازانى كەڭەيتۋگە باعىتتالعان ۇزاق مەرزٸمدٸ ينۆەستيتسييالار, جابدىقتاردى جاڭعىرتۋ, ٶنەركەسٸپتٸك قاۋٸپسٸزدٸك دەڭگەيٸن ارتتىرۋ جەنە كەسٸپورىننىڭ الداعى جىلدارداعى تۇراقتى جۇمىسىن قامتاماسىز ەتۋ مەسەلەلەرٸ تۋرالى ٶربٸدٸ.
ەلەۋمەتتٸك مەسەلەلەرگە دە ەرەكشە نازار اۋدارىلدى. جۇمىسشىلارعا تۇرعىن ٷي سالۋ, ٶڭٸردٸڭ مەدەني جەنە رۋحاني ينفراقۇرىلىمىن دامىتۋ جوسپارلارى, سونداي-اق كٷكٸرت قىشقىلىن ٶندٸرەتٸن زاۋىت سالۋدى قوسا العاندا, ەكولوگييالىق مەسەلەلەردٸ شەشۋگە باعىتتالعان جوبالار تانىستىرىلدى.
ەڭبەك ۇجىمىنىڭ ٶكٸلدەرٸ ٶزدەرٸن تولعاندىرعان سۇراقتارىن قويىپ, جان-جاقتى جاۋاپ الدى. تالقىلاۋ سىندارلى جاعدايدا ٶتٸپ, قىزمەتكەرلەر تاراپىنان ٷلكەن قىزىعۋشىلىق تۋدىردى.
ٶندٸرٸستٸك قۋاتتاردى جاڭارتۋدان باستاپ, قىزمەتكەرلەر مەن ولاردىڭ وتباسىلارىنا ارنالعان ەلەۋمەتتٸك باعدارلامالاردى كەڭەيتۋگە دەيٸنگٸ باستامالار وڭ باعاسىن الدى. ۇجىم كەيبٸر ۇسىنىستاردى قول شاپالاقتاپ قارسى الدى.
كەزدەسۋ قورىتىندىسى بويىنشا تاراپتار كەسٸپورىندى دامىتۋ, قاۋٸپسٸزدٸك دەڭگەيٸن ارتتىرۋ جەنە ەڭبەك جاعدايلارىن جاقسارتۋ مەسەلەلەرٸ بويىنشا ٶزارا ىنتىماقتاستىقتى جالعاستىرۋعا دايىن ەكەندەرٸن راستادى.
