فوتو: اشىق دەرەككٶز
قازاقستاندا «UILI BOLAYIK» («ٷيلٸ بولايىق») دەگەن اتاۋمەن جۇمىس ٸستەگەن قارجى پيراميداسىنىڭ قىزمەتٸ توقتاتىلدى, دەپ حابارلايدى Ult.kz.
ەلەۋمەتتٸك تۇرعىن ٷي باعدارلاماسى رەتٸندە كٶرٸنٸس تاپقان بۇل جوبا شىن مەنٸندە ازاماتتاردى الداپ, ٸرٸ كٶلەمدە قاراجات جيناعان.
ۇيىمداستىرۋشىلار تۇرعىن ٷيدٸ پايىزسىز بٶلٸپ تٶلەۋ ارقىلى الۋعا بولاتىنىن ايتىپ, قاتىسۋشىلاردى سەندٸرگەن. سونىمەن قاتار, سالىمشىلارعا اي سايىن 15–30 پايىز كٶلەمٸندە پايدا جەنە ەر تارتىلعان ادام ٷشٸن 10 پايىز كٶلەمٸندە بونۋس ۋەدە ەتٸلگەن.
الايدا ازاماتتاردىڭ اقشاسى قايىرىمدىلىق قورىنا ەمەس, ۇيىمداستىرۋشىلاردىڭ جەكە شوتتارىنا ەكٸنشٸ دەڭگەيلٸ بانكتەر ارقىلى اۋدارىلعان. ال «UILI BOLAYIK قايىرىمدىلىق قورىنىڭ» رەسمي ەسەپشوتتارى مٷلدە قولدانىلماعان.
تەرگەۋ بارىسىندا 515 ادامنىڭ بۇل قارجى سحەماسىنا الدانىپ, 50 ميلليون تەڭگەدەن استام قارجى سالعانى انىقتالدى. سوت سانكتسيياسىمەن كٷدٸكتٸنٸڭ بانك شوتتارىنا تىيىم سالىنىپ, وعان ەلدەن شىعۋعا شەكتەۋ قويىلدى.
قازٸرگٸ تاڭدا ٸس بويىنشا تەرگەۋ امالدارى جالعاسىپ جاتىر.
