«نۇرلى جەر» باعدارلاماسىمەن ٷي الماق بولىپ, الدانىپ قالعان اقتٶبەلٸكتەر پروكۋراتۋراعا ارىزداندى, دەپ حابارلايدى قازاقپارات تٸلشٸسٸ.
بٷگٸن بٸر توپ اقتٶبەلٸك پەتەر الىپ بەرۋگە ۋەدە ەتكەن «Capital to life» كومپانيياسىنىڭ كەڭسەسٸنە تاعى باردى. كەيبٸرٸ 3-4 ايدان بەرٸ جٷرسە, الدى 1 جىل بويى اقشاسىن داۋلاپ, الا الماي ەلەك. ولاردىڭ سٶزٸنشە, كومپانييا باسشىلىعى «نۇرلى جەر» مەملەكەتتٸك باعدارلاماسى بويىنشا ٷي الىپ بەرمەك بولعان.
«Capital to life» كومپانيياسىنا اقشا سالىپ, ٶز قارجىسىن قايتارا الماي جٷرگەن 18 ادام بٸرٸكتٸ. بٸزدەر ەلەۋمەتتٸك جەلٸگە شىققان جارنامانى كٶردٸك. وندا نەسيە تاريحىنا, ايلىق تابىسىنا قاراماي, «نۇرلى جەر» باعدارلاماسى بويىنشا پەتەر قۇنىنىڭ 35 پايىزىن جيناۋعا كەڭەس بەرٸلدٸ. پەتەردٸ ٶزٸمٸز تاڭدايمىز. 8-10 جىلعا 7-10 پايىزدىق ٷستەمەاقىمەن نەسيە بەرٸلەتٸن بولدى. مەن 3,5 ميلليون تەڭگە تۇراتىن ٷيدٸ تاپتىم. ٶزٸمنٸڭ 1 ميلليون 400 مىڭ تەڭگە اقشامدى سالدىم. ەكٸنشٸ دەڭگەيلٸ بانك ارقىلى جشس-نٸڭ ديرەكتورى جانات ەسنييازوۆانىڭ ەسەپشوتىنا اقشا اۋداردىم. كەلٸسٸمشارت بويىنشا ەكٸ ايدان كەيٸن پەتەرگە يە بولاتىنىمىزدى ايتتى. قولىمدا مٷگەدەك ەكەم بار», - دەدٸ زارداپ شەككەن جٸبەك يمانعازيەۆا.
ارمان سوۆەتوۆ بولسا 2018 جىلدىڭ قاراشا ايىندا «Capital to life» جشس-نە 1,5 ميلليون تەڭگە اقشا اۋدارعان.
«ٶزٸم قاندىاعاش قالاسىندا تۇرامىن. كومپانيياعا 1,5 ميلليون تەڭگە, پەتەر يەسٸنە 1 ميلليون تەڭگە اقشا بەردٸم. قالاداعى ٷي 5 ميلليون 200 مىڭ تەڭگەگە ەسەپتەلٸپ ەدٸ. مەن كەڭسەگە كٷندە كەلەمٸن, اقشامدى قايتارعىم كەلەدٸ. مەملەكەتتٸك باعدارلاماعا ۇقساس دەگەن سوڭ كەلدٸم. ەكٸ ايدا باسپانالى بولاسىڭ دەگەن ۇسىنىس ۇنادى. سوڭىندا ٶزٸم پەتەر جالداپ, ەكٸ شىعىنعا باتىپ جٷرمٸن», - دەدٸ ارمان سوۆەتوۆ.
ال «Capital to life» كومپانيياسىنىڭ جەتەكشٸسٸ جانات ەسنييازوۆانىڭ ايتۋىنشا, باعدارلامانىڭ اتاۋى «نۇرلى ٷي» جەنە ول جەكەمەنشٸك جوبا. قازٸر ٷش سالىمشى سوتقا, پروكۋراتۋراعا ارىز تٷسٸرگەن.
«كەلٸسٸمشارت بويىنشا اقشا 60 كٷندە قايتارىلادى. بٸراق سوتقا ارىز جازعان ادامدار سوت شەشٸمٸن كٷتەدٸ. بۇل مەملەكەتتٸك كومپانييا ەمەس, جەكە ينۆەستورىمىز بار. «نۇرلى ٷي» باعدارلاماسى ٶزٸمٸزگە تيەسٸلٸ», - دەدٸ ول.
ايتا كەتەيٸك, «Capital to life» جشس-عا اقشا سالىپ, قايتارا الماي جٷرگەن سالىمشىلار بٷگٸن وبلىستىق پروكۋراتۋراعا تاعى ارىز قالدىردى.
«تۇرعىندار بٸرٸنشٸ رەت وبلىستىق پروكۋراتۋراعا كەلدٸ. ايتۋلارىنشا, 2 اقپان كٷنٸ اقتٶبە قالالىق پروكۋراتۋراسىنا ارىز جازعان ەكەن. قالالىق پروكۋراتۋرا ٸستٸ وبلىستىق پوليتسييا دەپارتامەنتٸنە جٸبەرگەن. ٸس قوزعالمايدى دەگەن شاعىم بار. بٸز تۇرعىنداردىڭ شاعىمىن قابىلداپ, تەكسەرۋ جٷرگٸزەمٸز. ارىز 15 كٷندە قارالادى», - دەدٸ وبلىستىق پروكۋراتۋرانىڭ اپپارات جەتەكشٸسٸ جاسۇلان ورىنباسارۇلى.
