قىرعىزستاننىڭ ەكس-پرەزيدەنتٸ المازبەك اتامباەۆتىڭ بۇرىنعى كەڭەسشٸسٸ مەن اتامباەۆتى قولدايتىن قىرعىزستان سوتسيال-دەموكراتييالىق پارتيياسىنىڭ (قسدپ) مٷشەسٸ كۋندۋز جولدۋباەۆا كوي-تاش اۋىلىنداعى قاقتىعىسقا بايلانىستى ەكٸنشٸ رەت تەرگەلگەن. بۇل تۋرالى ادۆوكات زامير جووشەۆ حابارلادى, دەپ جازادى ازاتتىقتىڭ قىرعىز قىزمەتٸ.
ادۆوكاتتىڭ سٶزٸنشە, كۋەگەر رەتٸندە تەرگەۋگە بۇرىنعى پرەزيدەنتتٸڭ ۇلى سەيتەك اتامباەۆ تا شاقىرىلعان. جووشەۆ كوي-تاشتاعى وقيعا كەزٸندە اتامباەۆ ۇلىنىڭ "اياعى سىنىپ, قولى جارالانعانىن" ايتادى.
بۇعان دەيٸن ەلەۋمەتتٸك جەلٸلەردە سەيتەك اتامباەۆتىڭ ۇستالىپ, تەرگەۋگە جەتكٸزٸلگەنٸ تۋرالى ۆيدەو تاراعان. كەيٸننەن قىرعىزستان ٸشكٸ ٸستەر مينيسترلٸگٸ اتامباەۆ ۇلىنىڭ كۋەگەر رەتٸندە شاقىرىلعانىن, قۇقىق قورعاۋ ورگاندارى ونى ۇستاماعانىن حابارلادى.
بۇعان دەيٸن جوگوركۋ كەنەش (قىرعىزستان پارلامەنتٸ) دەپۋتاتتارى اسەل كودۋرانوۆا مەن يرينا كارامۋشكينانىڭ, كوي-تاشتاعى وپەراتسييا كەزٸندە اتامباەۆتى قولداعان وپپوزيتسييالىق ساياساتكەر راۆشان جەەنبەكوۆتٸڭ تەرگەۋگە شاقىرىلعانى حابارلانعان. قسدپ-نىڭ رەسمي ٶكٸلٸ كۋندۋز جولدۋباەۆا ازاتتىقتىڭ قىرعىز قىزمەتٸنە "ەكٸ دەپۋتاتتىڭ بٸرنەشە ساعات تەرگەۋدەن سوڭ بوساپ شىققانىن, اتامباەۆتىڭ باسقا جاقتاستارى تەرگەۋگە شاقىرىلىپ جاتقانىن" ايتتى.
7 تامىزدا باستالعان اتامباەۆتى ۇستاۋ وپەراتسيياسى ارنايى جاساق پەن ەكس-پرەزيدەنت جاقتاستارىنىڭ قاقتىعىسىنا ۇلاسىپ, بٸر ەسكەري قازا تاپقان. ونداعان ادام جاراقاتتاندى. ارنايى جاساقتىڭ التى ساربازىن بۇرىنعى پرەزيدەنتتٸڭ جاقتاستارى كەپٸلگە الىپ, ەرتەڭٸنە بوساتقان. اتامباەۆ 8 تامىزدا جالعاسقان وپەراتسييا كەزٸندە ٶز ەركٸمەن بيلٸككە بەرٸلدٸ. وعان جەمقورلىق ايىبى تاعىلىپ, ەكس-پرەزيدەنت 26 تامىزعا دەيٸن قاماۋعا الىندى. قازٸر ونىڭ ٸسٸ تەرگەلٸپ جاتىر.
27 ماۋسىمدا قىرعىزستان پارلامەنتٸ المازبەك اتامباەۆتى ەكس-پرەزيدەنت جەنە تيٸسپەۋشٸلٸك مەرتەبەسٸنەن ايىرعان. كەيٸن ٸٸم اتامباەۆتى تەرگەۋگە شاقىرا باستادى. ٷش رەت شاقىرتۋ جٸبەرگەنٸمەن تەرگەۋگە بارماعان اتامباەۆتى مينيسترلٸك ارنايى وپەراتسييا جٷرگٸزٸپ, كٷشتەپ ەكەلۋدٸ تاپسىرعان.
قىرعىزستاننىڭ بۇرىنعى پرەزيدەنتٸنە قىزمەتتە جٷرٸپ جەمقورلىققا جول بەردٸ, ٶكٸلەتٸن اسىرا پايدالاندى جەنە زاڭسىز بايىدى دەگەن سيياقتى جالپى سانى بەس ايىپ تاعىلعان. پروكۋراتۋرا اتامباەۆ قىلمىستىق توپتار اراسىندا تانىمال ازيز باتۋكاەۆتىڭ زاڭسىز بوساتىلۋىمەن بايلانىستى ٸستە كۋەگەر رەتٸندە تانىلعانىن مەلٸمدەگەن.
اتامباەۆ بۇل ايىپتاردىڭ بەرٸن جوققا شىعارىپ, ٶزٸن تەرگەۋگە شاقىرۋدىڭ ساياسي استارى بار دەپ مەلٸمدەگەن. ول ازيز باتۋكاەۆتى بوساتۋعا قاتىسى جوعىن دا ايتقان. اتامباەۆ قىرعىزستاندى 2011-2017 جىلدارى باسقارعان. ونىڭ ورنىنا بيلٸككە 2017 جىلدىڭ سوڭىندا سايلاۋ جولىمەن سوورونباي جەەنبەكوۆ كەلگەن.
