الماتىدا ەۋە اپاتىنىڭ جالعىز كۋەگەرٸ – ۇشقىش مەيٸرجان مولداقۇلوۆتىڭ دەنەسٸ جەر قوينىنا تاپسىرىلدى. 54 جاستاعى ازاماتتى اقتىق ساپارعا ەرٸپتەستەرٸ, دوستارى مەن جاقىندارى شىعارىپ سالدى.
قارالى جيىنعا قاتىسقاندار مارقۇمدى ٶز ٸسٸن سٷيەتٸن ەڭبەكقور ەرٸ اقكٶڭٸل ادام بولعان دەپ ەسكە الدى, – دەپ حابارلادى كتك.
"مەكتەپتەن سوڭ اقتٶبەنٸڭ ۇشقىشتار ۋچيليششەسٸن بٸتٸرگەن. سودان ۇشقىش بولدى. الماتىدا قانشا جىلدان بەرٸ ۇشقىش بولىپ ٸستەگەن. جۇمىسىن قاتتى جاقسى كٶرەتٸن. وتباسىنا ادال, بالا-شاعاسىنا قارايتىن. جورا-جولداسقا دا ادال جٸگٸت بولدى", - دەيدٸ مولداقۇلوۆتىڭ سىنىپتاسى نۇرجامال قاسىموۆا.
مەيٸرجان مولداقۇلوۆ ۇشاق اپاتىنان كەيٸن باسىنان, جامباسى مەن ومىرتقاسىنان اۋىر جاراقات العان. كەيٸن وعان بٸرنەشە وتا جاسالىپ, دەرٸگەرلەر ۇشقىشتى ٷيٸنە جٸبەرگەن بولاتىن. الايدا اۋرۋحانادان جازىلىپ شىققان ازامات ارادا اپتا ٶتپەي قايتىس بولدى. مارقۇمنىڭ ارتىندا جۇبايى مەن ەكٸ قىزى قالدى.
بۇل وتباسىنا Bek Air تاراپىنان كٶمەك كٶرسەتٸلە مە, ول جاعى ەزٸرگە بەلگٸسٸز. كومپانييا باسشىسى نۇرلان جۇماسۇلتانوۆ سۇراق قويعان تٸلشٸلەردٸ يتەرٸپ, الدى-ارتىنا قاراماي تۇرا قاشتى.
