الماتى تٷبٸندە اپاتقا ۇشىراعان «بەك ەير» ەۋە كومپانيياسىنىڭ ۇشاعىنا قاتىستى كٷنٸ بۇرىن تۇجىرىم جاساۋ دۇرىس ەمەس. مۇنداي پٸكٸردٸ ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ بەرٸك كاماليەۆ بٸلدٸردٸ, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
«قالاي دەسەك تە, ۇشاق نەلٸكتەن قۇلادى? تەۋلٸككە جۋىق ۋاقىتتىڭ ٸشٸندە بٸز جۇمىستا وتىرىپ كٷنٸ-تٷنٸ رەجٸمدە ساراپشىلاردىڭ تٷرلٸ پٸكٸرلەرٸن ەستيمٸز. سٸزدەردٸ پرەزيدەنتتٸڭ, پرەمەر-مينيستردٸڭ تاپسىرماسى بار ەكەندٸگٸنە سەندٸرگٸم كەلەدٸ. كوميسسييا جۇمىس ٸستەپ جاتىر, مەملەكەتتٸك كوميسسييانىڭ بارلىق مٷشەلەرٸ كەشە بٸردەن الماتىعا ۇشىپ كەتتٸ. بارلىعى جۇمىلدىرىلدى, جەدەل تەرگەۋ توبى بار. سوندىقتان, مەنٸڭشە, كٷنٸ بۇرىن قانداي دا بٸر تۇجىرىم جاساۋ دۇرىس ەمەس. كٷتۋ قاجەت», - دەدٸ ۆيتسە-مينيستر باق ٶكٸلدەرٸنٸڭ ساۋالىنا وراي.
وسى ورايدا ول بٷگٸن كەشكٸ ساعات 18:40-تا الماتىعا مەسكەۋدەن حالىقارالىق ساراپشى ۇشىپ كەلەتٸندٸگٸن ايتتى.
«ەرتەڭ ينسپەكتورىمىزبەن بٸرگە قارا جەشٸكتٸ مەسكەۋگە جٸبەرەمٸز. الدىن الا تٷسٸنٸكتەمەلەر مەن ساراپشىلاردىڭ پٸكٸرلەرٸ كەدەرگٸ كەلتٸرٸپ قانا قويماي, حالىققا اقپاراتتى بەلگٸلٸ بٸر دەڭگەيدە تەرٸس جەتكٸزەتٸندٸگٸن دە اتاپ ٶتكٸم كەلەدٸ», - دەدٸ بەرٸك كاماليەۆ.
