سۋرەت: Tengrinews.kz©
الماتىدا 28 جاستاعى ەيەل ٷش بالاسىمەن تۇرعىن ٷيدٸڭ 9-قاباتىنان سەكٸرٸپ قازا بولدى. كۋەگەرلەر وقيعا قالاي بولعانىن ايتىپ بەردٸ, - دەپ حابارلايدى Tengrinews.kz تٸلشٸسٸ.
قايعىلى وقيعا الماتىداعى تۇرعىن ٷيلەردٸڭ بٸرٸندە بولدى. مارقۇممەن كٶرشٸ تۇرعان ەر ادام وقيعا تۋرالى ايتىپ بەردٸ.
"مەن وقيعانى كٶرمەدٸم, بٸراق كٶرشٸلەر ەيەل الدىمەن ٷش بالانى تەرەزەدەن لاقتىرىپ, كەيٸن ٶزٸ سەكٸرگەنٸن ايتتى. مەن بۇل وتباسىمەن ٸس جٷزٸندە سٶيلەسكەن ەمەسپٸن, ولارمەن امانداسپايمىز دا. ٶز الدىنا جٷرگەن وتباسى. 8-شٸ قاباتتاعى كٶرشٸم ولاردىڭ ٷستٸنەن شاعىمدانىپ جٷرەتٸنٸن بٸلەتٸنمٸن", - دەدٸ ەر ادام.
ەيەلدٸڭ تاعى بٸر كٶرشٸسٸ قايعىلى وقيعا كٷندٸزگٸ بٸرلەر شاماسىندا بولعانىن ايتتى.
"ٷش پەن جەتٸ جاس ارالىعىنداعى ٷش بالا جەردە جاتتى. دەرٸگەرلەر ولاردىڭ ٶمٸرٸن ساقتاپ قالۋعا تىرىستى, ٶكٸنٸشكە قاراي, ەكەۋٸ سول جەردە قازا بولدى. بالالار جالاڭاش بولدى, تٸپتٸ ولاردىڭ بٸرەۋٸندە شالبارى دا بولمادى. مۇنى كٶرگەندە جٷرەگٸم اۋىردى. اتا-انا بالاسىنىڭ ٶمٸرٸنە وسىلاي قاراۋى سۇمدىق", - دەيدٸ وقيعا كۋەگەرٸ نازار رەفان.
تٶمەندەگٸ قاباتتا تۇراتىن ەيەل دە كٶرشٸسٸمەن مٷلدە ارالاسپاعانىن ايتتى.
"ولاردى شىنىمەن, ەشكٸم تانىمايتىن. وسىنداي جاس كەلٸنشەك ٶمٸردەن ٶتكەنٸ ٶكٸنٸشتٸ", - دەيدٸ ول.
بۇعان دەيٸن الماتىدا ەيەل كٸشكەنتاي ٷش بالاسىمەن 9-قاباتتان سەكٸرٸپ كەتكەنٸ حابارلانعان بولاتىن. وقيعا ورنىندا ەيەل مەن ەكٸ بالا قازا تاپتى. جەدەل جەردەم كٶلٸگٸندە تاعى بٸر بالا قايتىس بولدى.
