Photo : pixabay/rebcenter-moscow
الماتىدا ٷش بالاسىن تەرەزەدەن لاقتىرىپ, ارتىنشا ٶزٸ دە سەكٸرٸپ كەتكەن كەلٸنشەكتٸڭ اتا-ەنەسٸ كەلٸننٸڭ مۇنداي قادامعا بارۋىنا جوقشىلىق سەبەپ بولۋى مٷمكٸن ەمەس دەيدٸ.
سٷيٸپ قوسىلعان ەرلٸ-زايىپتىنىڭ اراسىندا ۇرىس-كەرٸس بولماعانىن ايتادى. ولار ەندٸ ۇلىنىڭ ٶمٸرٸنە دە الاڭداۋلى, دەپ حابارلادى Sputnik قازاقستان اگەنتتٸگٸ "استانا" ارناسىنا سٸلتەمە جاساپ.
بٸر كٷندە تٶرت ادامىنان ايىرىلعان ورازوۆتار وتباسى ۇلىمىز دا ٶز-ٶزٸنە قول سالا ما دەپ قورقادى. باۋىرلارى كٷندٸز-تٷنٸ قاسىندا, بٸر ەلٸ اجىراپ جاتقان جوق, دەدٸ نۇرسۇلتاننىڭ ەكەسٸ.
ٷش نەمەرەسٸ مەن كەلٸنٸنەن ايرىلىپ, ەسەڭگٸرەگەن باۋىرجان ورازوۆ "گٷلٸم" دەپ ەركەلەتكەن كەلٸنٸنٸڭ مۇنداي قادامعا قالاي بارعانىن تٷسٸنە الار ەمەس.
"ەكەۋٸ ٶزٸ سٷيٸپ ٷيلەندٸ, ٷش بالالى بولدى. نۇرسۇلتاندى جامان بالا دەپ ايتپايمىن. كٶرشٸلەرٸم بٸلەدٸ, جورا-جولداستارى بٸلەدٸ. مىسالى ٸشپەيتٸن, شەكپەيتٸن بالا. كەلٸن دە التىن ادام ەدٸ. نۇرسۇلتان - وتباسىنىڭ تۇڭعىشى", - دەيدٸ مارقۇمنىڭ قايىن اتاسى باۋىرجان ورازوۆ.
ونىڭ ايتۋىنشا, ۇلى بازاردا ساۋدا-ساتتىق جاسايدى. كەلٸنٸنٸڭ سۋيتسيدكە بارۋىنا جوقشىلىق سەبەپ بولدى دەۋگە نەگٸز جوق. نەسيەلەرٸ دە جوق كٶرٸنەدٸ.
26 جىل ٸشكٸ ٸستەر سالاسىندا ەڭبەك ەتكەن ازامات كەلٸنٸ قالدىرعان حاتىندا كٸمدەردٸ مەڭگەزەنٸ ٶزدەرٸنە دە جۇمباق بولىپ تۇرعانىن ايتادى.
"بۇل ٶمٸردٸڭ تاۋقىمەتٸنە شىداي المادىم. بٸراق ەشكٸمگە قويار كٸنەم جوق. بٸراق كٸنەلٸلەر ٶزدەرٸ بٸلەدٸ, دەپ جازىپ كەتٸپتٸ. وعان مەنٸڭ دە باسىم جەتپەدٸ. نە بولدى, نە قويدى?", - دەيدٸ ول.
مارقۇمنىڭ قٷيەۋٸنٸڭ تۋىسى عالىمجان ورازوۆ تا نۇرسۇلتاننىڭ اراق ٸشپەيتٸنٸن ايتتى.
"مٸنەزٸ سالماقتى. كەلٸنگە ۇرىسىپ ايقايلاپ جاتقانىن كٶرگەن ەمەسپٸز. قۇدايعا شٷكٸر تۇرمىستىق جاعدايى جاقسى ول بالانىڭ. بٸزگە كەلٸپ بٸر نانعا اقشا بەرشٸ دەپ جاتقان جوق. ٶزٸمٸزگە قۇپييا بولىپ تۇر بۇل جاعداي", - دەيدٸ ول.
ال اناسىنىڭ شەشٸمٸمەن كٶككە ۇشىپ كەتە بارعان ٷش پەرٸشتەنٸڭ ٷلكەنٸ بيىل عانا بٸرٸنشٸ سىنىپقا بارىپتى, ەكٸنشٸ قىزى دايىندىق توبىندا وقىعان. ال كەنجە ۇل جاقىندا ەكٸ جاسقا تولار ەدٸ.
باۋىرجان ورازوۆتىڭ ايتۋىنشا, ۇلى مەن كەلٸنٸ ٷيلەنگەلٸ الماتىدا تۇرادى. تامىز ايىندا عانا مەكتەپكە جاقىن بولسىن دەپ توعىزىنشى قاباتتاعى پەتەردٸ 120 مىڭ تەڭگەگە جالعا الىپتى. بالالاردىڭ قاۋٸپسٸزدٸگٸ ٷشٸن تەرەزەسٸنە تور ورناتۋ كەرەك دەپ ايتقان دا ەكەن.
"العاشىندا نەمەرەلەرٸم قولىمدا وقىسا دەگەن تٸلەگٸمدٸ دە ايتقانمىن, بٸراق جاستار قۇلاق اسپادى", - دەگەن ٶكٸنٸشٸ دە بار ەكەنٸڭ.
ال "31 ارنانىڭ" حابارلاۋىنشا, باقتىگٷل قىدىرباەۆا ميكروكرەديتتٸك ۇيىمداردان ٷش رەت قارىز العان. ەڭ سوڭعى رەت ەيەل قازاندا 15 مىڭ تەڭگە بەرەشەك العان, الايدا وتباسى بۇل قارىزىن قايتارا الماعان. ونىڭ الدىنداعى ەكٸ نەسيەسٸ بويىنشا دا تٶلەۋ مەرزٸمٸن ٶتكٸزٸپ العان. مارقۇمنىڭ كٷيەۋٸنٸڭ ايتۋىنشا, ول جۇمىسسىز بولعاندىقتان قارىزدى تٶلەي الماعان. ول قايعىلى جاعداي الدىندا ەيەلٸمەن جانجالداسپاعانىن ايتتى. الايدا دەل سول كٷنٸ ول ٷيدە بولماپتى, جۇمىسسىز قالعاندىقتان, كەتٸپ قالعان.
ال باقىتگٷل قىدىرباەۆانىڭ تۋىستارى ونىڭ مٸنەزٸنەن الاڭدايتىن ٶزگەرٸس بايقاماعانىن ايتتى. ولار ەدەتتەگٸدەي حات الماسقان. باقىتگٷلدٸڭ ەپكەسٸنٸڭ ايتۋىنشا, ونىڭ كٶڭٸل-كٷيٸ جاقسى بولعان, بالاسىنا العان جاڭا كومبينەزونىنىڭ فوتوسىن, قىزىنىڭ ماقتاۋ قاعازىن كٶرسەتكەن.
سونداي-اق باقىتگٷلدٸڭ ەپكەسٸ بۇعان دەيٸن مارقۇمنىڭ ەكٸ رەت انافيلاكتيكالىق شوك العانىن ايتتى.
"تٷسٸنٸكسٸز اللەرگيياسى بولدى. كەيٸنگٸ ەكٸ ايدا پرەدنيزولون قابىلداپ, ەرەڭ امان قالدى", - دەيدٸ جانار قىدىرباەۆا.
ەيەل ٷش بالاسىمەن بٸرگە سەكٸرٸپ كەتتٸ
الماتىدا 22 قاراشا جەتٸسۋ-1 شاعىن اۋدانىنداعى كٶپقاباتتى ٷيلەردٸڭ بٸرٸندە 28 جاستاعى ەيەل ٷش بالاسىمەن بٸرگە 9-قاباتتان سەكٸرٸپ كەتتٸ. تٶرتەۋٸ دە كٶز جۇمدى.
الماتىلىق كەلٸنشەك ٶلەر الدىندا حات قالدىرعان. ول سىناققا شىداي الماعانىن, كٸنەلٸلەردٸڭ ٶزٸ بٸلەتٸنٸن ايتقان.
الماتى قالاسىنىڭ پوليتسييا دەپارتامەنتٸ قايعىلى جاعدايدىڭ الدىن الا سەبەبٸن حابارلادى.
"بۇل ەرەكەتكە وتباسىلىق-تۇرمىستىق قارىم-قاتىناس كەزٸندە كٷيەۋٸ ەكەۋٸنٸڭ اراسىنداعى جانجال سەبەپ بولعان", - دەلٸنگەن پوليتسييا حابارلاماسىندا.
جەدەل-تەرگەۋ توبى قۇرىلدى. وقيعا بويىنشا قىلمىستىق كودەكستٸڭ ("ٶز-ٶزٸنە قول جۇمساۋعا جەتكٸزۋ") بابى بويىنشا تەرگەۋ جٷرگٸزٸلٸپ جاتىر.
