30 تامىزدا باستالاتىن US Open تۋرنيرٸندە قازاقستاندىق تەننيسشٸلەردٸڭ قارسىلاستارى انىقتالدى, دەپ حابارلايدى قازاقپارات.
جەكەلەي سىندا ەيەلدەر اراسىنداعى جارىسقا قازاقستاننان تٶرت تەننيسشٸ قاتىسادى.
ەلٸمٸزدٸڭ بٸرٸنشٸ, ەلەمنٸڭ 20-راكەتكاسى ەلەنا رىباكينا العاشقى اينالىمدا دٷنيەجٷزٸلٸك رەيتينگٸدە 99-ورىندا تۇرعان بەلارۋس ٶكٸلٸ, تەجٸريبەلٸ سپورتشى الەكساندرا ساسنوۆيچپەن كەزدەسەدٸ.
ەلەمنٸڭ 33-راكەتكاسى يۋلييا پۋتينتسەۆا رەيتينگتە 70-ورىنداعى, تاعى بٸر تٸسقاققان ويىنشى, 36 جاستاعى ەستونييالىق كاييا كانەپيمەن كٷش سىناسادى.
رەيتينگتە 110-ورىندا تۇرعان زارينا ديياسقا ەلەمنٸڭ 73-راكەتكاسى, جۋىردا 20 جاسقا تولاتىن امەريكالىق اماندا انيسيموۆا قارسىلاس اتاندى.
قازاقستان ەيەلدەر قۇراماسىنىڭ كاپيتانى, رەيتينگتە 449-ساتىداعى تەجٸريبەلٸ ياروسلاۆا شۆەدوۆا ەلەمنٸڭ 98-راكەتكاسى, يتالييالىق ياسمين پاولينيمەن كورتقا شىعادى.
ەسكە سالا كەتەيٸك, بۇدان بۇرىن م.كۋكۋشكيننٸڭ US Open تۋرنيرٸنٸڭ ٸرٸكتەۋ سايىسىنىڭ فينالىنا شىققانىن جازعان بولاتىنبىز.
ەرلەر اراسىندا قازاقستاننىڭ بٸرٸنشٸ, ەلەمنٸڭ 37-راكەتكاسى الەكساندر بۋبليك العاشقى اينالىمدا رەيتينگتە 134-ساتىداعى گەرمانييالىق ياننيك حانفماننىڭ شاماسىن بايقاپ كٶرەدٸ. ەگەر م.كۋكۋشكين ٸرٸكتەۋ سايىستارىنىڭ فينالىندا قارسىلاسىن ۇتسا, نەگٸزگٸ دوداعا ول دا قوسىلادى.
