قازاقستاننىڭ بٸرٸنشٸ, ەلەمنٸڭ 37-راكەتكاسى الەكساندر بۋبليك US Open تۋرنيرٸنٸڭ ٷشٸنشٸ اينالىمىنا شىعا المادى, دەپ حابارلايدى "ۇلت اقپارات".
وسى «ٷلكەن دۋلىعا» دوداسىنىڭ 31-راكەتكاسى بولىپ تٸركەلگەن بۋبليك ەكٸنشٸ اينالىمدا امەريكالىق دجەك سوكپەن كەزدەستٸ.
سوك – قازٸرگٸ كەزدە رەيتينگتە 184-ورىندا تۇرعانىمەن, بۇدان تٶرت جىل بۇرىن سەگٸزٸنشٸ ساتىعا دەيٸن كٶتەرٸلگەن تەجٸريبەلٸ ويىنشى.
قارسىلاستاردىڭ بۇعان دەيٸن جولدارى توقايلاسپاعان.
بٸرٸنشٸ سەتتە تاي-برەيكتە امەريكالىق سپورتشى ەبجٸلدٸك تانىتتى – 7:6 (7:3). ەكٸنشٸسٸندە بۋبليك سونداي تارتىستى گەيمدە ەسە قايىردى – 7:6 (7:2).
ٷشٸنشٸسٸندە سوك 6:4 ەسەبٸمەن قايتا العا شىقسا, تٶرتٸنشٸسٸندە قازاقستاندىق تەننيسشٸ تارازى باسىن تەڭەستٸردٸ – 6:4.
شەشۋشٸ, بەسٸنشٸ پارتييادا كورت يەسٸ جەڭٸسكە جەتتٸ – 6:3.
بۋبليك 3 ساعات 32 مينۋتقا سوزىلعان ماتچ بارىسىندا 40 ەيس جاساپ, 14 برەيك-پوينتتىڭ التاۋىن پايدالاندى. د.سوكتىڭ ەنشٸسٸندە – 6 ەيس, 7 برەيك (17 برەيك-پوينت).
وسىلايشا اقش اشىق چەمپيوناتىندا جەكەلەي سىندا قازاقستاننان ەلەنا رىباكينا عانا قالدى. ول ٷشٸنشٸ اينالىمدا ەلەمنٸڭ بۇرىنعى بٸرٸنشٸ راكەتكاسى, رۋمىنييالىق سيمونا حالەپپەن وينايدى.
