سەمەي قالاسىنداعى شەكەرٸم ۋنيۆەرسيتەتٸنٸڭ تٷلەكتەرٸ ديپلومدا كەتكەن قاتەنٸڭ سالدارىنان جۇمىسقا تۇرا الماي قالعان, دەپ حابارلايدى قازاقپارات.
سوڭعى كٷندەرٸ ەلەۋمەتتٸك جەلٸلەر مەن باق-تا شەكەرٸم ۋنيۆەرسيتەتٸ تٷلەكتەرٸنٸڭ تاپ بولعان قيىندىعى تۋرالى جازىلىپ جاتىر. بەلگٸلٸ بولعانداي, ٷش تٸلدە بەرٸلەتٸن ديپلومنىڭ اعىلشىن تٸلٸندەگٸ نۇسقاسىندا ەكٸ سٶزدە قاتە كەتٸپ قالعان.
ال قاتەنٸ تٷزەتٸپ ديپلومدى قايتا جاساتۋ ٷشٸن بٸراز ۋاقىت كەرەك. سونىڭ سالدارىنان وقۋ بٸتٸرە سالىسىمەن جۇمىسقا تۇرماق بولعان كەي تٷلەكتەردٸڭ ويى ٸسكە اسپاي قالدى.
اتالعان مەسەلەنٸڭ انىق-قانىعىن بٸلۋ ٷشٸن شەكەرٸم ۋنيۆەرسيتەتٸنە حابارلاسىپ كٶردٸك.
بٸلٸم ورداسىنىڭ باسپاسٶز حاتشىسى شىرىن قاۋانوۆا بٸلٸم تۋرالى ديپلوم الۋشىنىڭ قۇجاتىندا ورفوگرافييالىق قاتەلەر كەتكەن جاعدايدا جوعارى وقۋ ورنى جاۋاپكەرشٸلٸكتٸ ٶز قۇزٸرەتٸنە الاتىندىعىن جەنە قۇجات الۋشىنىڭ ٶتٸنٸشٸ بويىنشا ديپلوم قايتادان شىعارىلىپ بەرٸلەتٸندٸگٸن تٷسٸندٸردٸ.
«قر بٸلٸم جەنە عىلىم مينيسترٸنٸڭ 2018 جىلدىڭ 30 قازانىنداعى جوعارى جەنە (نەمەسە) جوعارى وقۋ ورنىنان كەيٸنگٸ بٸلٸم بەرۋ ۇيىمدارى قىزمەتٸنٸڭ ٷلگٸلٸك قاعيدالارىنىڭ №48 پۋنكتٸنە سەيكەس, «جوعارى جەنە (نەمەسە) جوعارى وقۋ ورنىنان كەيٸنگٸ بٸلٸم بەرۋ باعدارلاماسىن يگەرگەنٸن راستاعان جەنە قورىتىندى اتتەستاتتاۋدان ٶتكەن بٸلٸم الۋشىعا اتتەستاتتاۋ كوميسسييانىڭ شەشٸمٸمەن تيٸستٸ بٸلٸم بەرۋ باعدارلاماسى بويىنشا «باكالاۆر» نەمەسە «ماگيستر» دەرەجەلەرٸ نەمەسە مامان بٸلٸكتٸلٸگٸ تاعايىندالادى جەنە قوسىمشاسى بار ديپلوم تەگٸن نەگٸزدە بەرٸلەدٸ» دەپ كٶرسەتٸلگەن. ديپلومدا ورفوگرافييالىق قاتە كەتكەندە قۇجات الۋشىنىڭ ٶتٸنٸشٸ بويىنشا ديپلوم قايتادان شىعارىلىپ بەرٸلەدٸ. بٸتٸرۋشٸ تٷلەكتەردٸڭ ٶزٸندٸك ٷلگٸدەگٸ بٸلٸم تۋرالى قۇجاتتارىندا نٶمٸرٸ مەن QR كودتارى كٶرسەتٸلگەن. سەيكەسٸنشە, قۇجات يەسٸ نەمەسە جۇمىس بەرۋشٸ گەنەراتسييالانعان نٶمٸرلەر مەن QR كودتارى ارقىلى ۇببدق بازاسىنان بٸتٸرۋٸن راستايتىن قۇجات تۋرالى اقپاراتتى كٶرە الادى. مۇنداي جاعداي جوعارى جەنە جوعارى وقۋ ورنىنان كەيٸنگٸ بٸلٸم بەرۋ ۇيىمدارىندا ورىن العان جاعدايدا قۇجات الۋشى وقۋ ورنىنىڭ تيٸستٸ بٶلٸمٸنە ٶتٸنٸش بٸلدٸرۋٸ كەرەك», - دەدٸ ول.
