فوتو: سگب
دٷنيەجٷزٸلٸك دەنساۋلىق ساقتاۋ ۇيىمى (ددسۇ) ٶزبەكستاندا بالالاردىڭ ٶلٸمٸنە ەكەپ سوقتىرعان ٷندٸستان پرەپاراتتارىنىڭ قاۋٸپتٸلٸگٸ تۋرالى ەسكەرتتٸ, دەپ حابارلايدى قازاقپارات اگەنتتٸگٸ ۇيىمعا سٸلتەمە جاساپ.
مەسەلە ٷندٸستاندا Marion Biotech LTD فارماتسەۆتيكالىق كومپانيياسى شىعارعان امبرونول جەنە دوك-1 Max شەرباتتارى تۋرالى بولىپ وتىر.
ددسۇ بۇل ٶنٸمدەر ساپا ستاندارتتارىنا سەيكەس كەلمەيتٸنٸن ايتۋدا. سەبەبٸ وسى ۋاقىتقا دەيٸن ٶندٸرۋشٸ اتالعان ۇيىمعا ٶنٸمدەردٸڭ قاۋٸپسٸزدٸگٸ مەن ساپاسىنا كەپٸلدٸك بەرەتٸن قۇجاتتار ۇسىنباعان.
ٶزبەكستان دەنساۋلىق ساقتاۋ مينيسترلٸگٸ ەكٸ ٶنٸمنٸڭ ٷلگٸلەرٸنە زەرتحانالىق تالداۋ جاساپ, ەكەۋٸنٸڭ قۇرامىندا رۇقسات ەتٸلمەيتٸن مٶلشەردە ديەتيلەنگليكول جەنە/نەمەسە ەتيلەنگليكول بار ەكەنٸن انىقتادى.
بۇل دەرٸلەردٸڭ قۇرامىنداعى ۋىتتى زاتتار ەسەرٸنەن ٸش اۋىرۋ, قۇسۋ, ديارەيا, زەر شىعارۋدىڭ بۇزىلۋى, باس اۋرۋى, پسيحيكالىق جاعدايدىڭ ٶزگەرۋٸ جەنە بٷيرەكتٸڭ ٶلٸمگە ەكەلەتٸن ٶتكٸر سىرقاتى بولۋى مٷمكٸن.
ددسۇ اتالعان دەرٸلەردٸڭ باسقا ەلدەرگە نەمەسە ٶڭٸرلەرگە بەيرەسمي نارىق ارقىلى تارالۋى مٷمكٸن ەكەنٸن جوققا شىعارمايدى.
ددسۇ تيٸستٸ مەديتسينالىق مەكەمەلەردٸ قاداعالاۋدى كٷشەيتۋگە جەنە جەتكٸزٸلٸم تٸزبەگٸندە ساقتىق تانىتۋعا, سونداي-اق پاتسيەنتتەرگە زييان كەلتٸرمەۋ ٷشٸن وسى ساپاسىز ٶنٸمدەردٸ انىقتاپ, اينالىمنان شىعارۋعا شاقىردى.
ەسكە سالايىق, ٶزبەكستاندا ٶتكەن جىلدىڭ قىركٷيەك-جەلتوقسان ايلارىندا 19 ادامنىڭ ٶلٸمٸ تٸركەلگەن ەدٸ. وعان ٷندٸلٸك Marion Biotech كومپانيياسى شىعارعان دوك-1 Maكس پرەپاراتىن قابىلداۋ سەبەپ بولعان. زارداپ شەككەندەردٸڭ بارلىعى – التى جاسقا تولماعان بالالار.
7 قاڭتاردا جوعارىدا اتالعان سيروپتى ٸشكەن تاعى بٸر بالانىڭ قايتىس بولعانى بەلگٸلٸ بولدى.
