كەشە ەنشٸ ديماش قۇدايبەرگەننٸڭ تىڭدارماندارى ٷشٸن ۇمىتىلماس كٷن بولدى. ەلورداداعى استانا ارەنا ستاديونىندا «ارناۋ» اتتى جەكە كونتسەرتٸن ٶتكٸزگەن ەنشٸ كٶرەرمەننٸڭ ىستىق ىقىلاسىنا بٶلەندٸ.
«مەن ٷشٸن باقىت – ساحنا»
ديماش جەكە كونتسەرتٸ شىمىلدىعىن «Golden Intro» ەنٸمەن اشىپ, «اققۋىم» ەنٸمەن جالعاستىردى.
«ەركٸمنٸڭ ٶز باقىت ٶلشەمٸ بار. مەنٸڭ باقىتىم – ساحنا. مەنٸڭ ەندەرٸم جٷرەكتەرٸڭٸزگە جەتكەن بولسا, ٶمٸردەگٸ ٷلكەن ميسسييامنىڭ ورىندالىپ جاتقاندىعى. قۇرمەتتٸ اعايىن, سٸزدەردٸڭ الدارىڭىزدا ٶنەر كٶرسەتٸپ تۇرعان مەندە ارمان جوق. بارشالارىڭىزعا كەلگەندەرٸڭٸز ٷشٸن كٶپ-كٶپ راقمەت!» - دەپ, ەنشٸ كٶرەرمەندەرٸنە العىس بٸلدٸردٸ.
«ەن كەشٸن وتانداستارىما ارنايمىن»
27 ەن ورىندالعان ديماشتىڭ ەن كەشٸنە قازاقستاندىق كٶرەرمەندەرمەن قاتار ەلەمنٸڭ اقش, ۇلىبريتانييا, برازيلييا, مەكسيكا, كانادا, اۆسترالييا, شۆەيتسارييا جەنە باسقا دا 64 ەلٸنەن 10 مىڭعا جۋىق كٶرەرمەن كەلدٸ.
«سٸزدەردٸڭ الدارىڭىزدا مەن ٶزٸمدٸ لۋچانو پاۆوروتتي نەمەسە مايكل دجەكسونداي سەزٸنەمٸن. سٸزدەرگە كٶپ راقمەت! ەڭ الدىمەن «حالقىم امان بولسىن» دەپ تٸلەيمٸن. بٷگٸنگٸ «ارناۋ» دەپ اتالاتىن كونتسەرتٸمدٸ ٶزٸمنٸڭ تۋعان جەرٸمە, باۋىرلارىما جەنە ەلەمدەگٸ بارلىق تىڭدارماندارىما ارنايمىن», - دەيدٸ ول.
«ليۋبوۆ ۋستاۆشيح لەبەدەي» ەنٸنٸڭ اۆتورى, رەسەي حالىق ەرتٸسٸ يگور كرۋتوي ديماشتىڭ جەكە كونتسەرتٸنە نە سەبەپتٸ كەلگەنٸن ايتتى.
«مەن قازاقستانعا جيٸ كەلەمٸن, سەبەبٸ قازاقستاندى جاقسى كٶرەم. ەكٸنشٸدەن, ديماشتىڭ شىعارماشىلىعىن جاقسى كٶرەم», - دەدٸ ول.
«دەنيس تەن – قازاقتىڭ ماڭدايىنا بٸتكەن شوقجۇلدىز»
ديماش جەكە كونتسەرتٸ بارىسىندا مارقۇم دوسى – دەنيس تەنگە ەن ارنادى. ول دەنيس تەن ٶنەر كٶرسەتكەن SOS d'un terrien en détresse كومپوزيتسيياسىن ورىنداپ, كونتسەرتكە قوناق رەتٸندە كەلگەن دەنيس تەننٸڭ اتا-اناسىنا العىس ايتتى.
«وسىدان بٸراز ۋاقىت بۇرىن دەنيس ەكەۋمٸز مەنٸڭ قازاقستاندا ٶتەتٸن كەلەسٸ كونتسەرتٸمدە دۋەت بولىپ ەن ايتامىز دەپ ارمانداپ, جوسپارلاعان ەدٸك. بٸراق... اللانىڭ جازعانىنا امال جوق... دەنيس تۋما تالانت جەنە ٶتە ەڭبەكقور جٸگٸت بولدى. از عانا عۇمىرىندا ٶنەر تۋىن, ادامدىق تۋىن, قازاق ەلٸنٸڭ تۋىن بيٸككە كٶتەرٸپ كەتتٸ. وسى جەردە قازاقتىڭ ماڭدايىنا بٸتكەن شوقجۇلدىزى, بٸزدٸڭ ماقتانىشىمىز دەنٸس تەننٸڭ ەكەسٸ, اناسى وتىر. بۇل قوشەمەت سٸزدەر ٷشٸن! سٸزدەرگە مەنٸڭ عانا ەمەس, قازاق حالقى, جانكٷيەرلەرٸ اتىنان ىقىلاس گٷلٸن بەرۋگە رۇقسات ەتٸڭٸزدەر! بٸز سٸزدەردٸڭ ۇلدارىڭىزدى ەشقاشان ۇمىتپايمىز. ونىڭ قازاقستان تاريحىنداعى رٶلٸ ەرەكشە», - دەيدٸ ديماش.
سونداي-اق, ديماش اتا-اپاسى مەن ناعاشى اپاسىنا ىقىلاس گٷلٸن سىيلاپ, جاڭا ەن ارنادى.
«مەنٸ بەرٸ قوشەمەتكە بٶلەپ, جاقسى كٶرەدٸ. كەيدە مەن وسىعان لايىقتىمىن با, ەلدە لايىقتى ەمەسپٸن بە دەپ ويلايمىن. بالا كەزٸمدە دەل وسىلاي بولۋىن ارماندايتىن ەدٸم. اتا-اناما ەن ارناپ, ورنىنان تۇرعىزىپ, العىس ايتۋدى ارماندادىم», - دەيدٸ ول.
«ارىستىقتارعا قاراجات اۋدارامىن»
ديماش جەكە كونتسەرتٸندە كٶرەرمەننٸڭ جٷرەگٸنەن ورىن تاپقان ەندەردەن بٶلەك جاڭا البومنان بەس ەن ورىندادى, ولار: Give me your love, Screaming, Autumn strong, Lay down, If I never breathe again.
ديماش كونتسەرت بارىسىندا ارىستا بولعان جارىلىس تۋرالى ايتتى.
«شەتەلدە كٶپ جٷرگەنٸممەن, ەلٸمٸزدە بولىپ جاتقان جاڭالىقتاردى ەلەۋمەتتٸك جەلٸلەردەن وقىپ-بٸلٸپ وتىرامىن. جاقىندا ارىستا بولعان وقيعا ماعان دا قاتتى باتتى. تٸپتٸ كونتسەرت بەرۋ وسى كەزدە ىڭعايسىزداۋ سەكٸلدٸ كٶرٸندٸ, سولاي ايتقاندار دا بولدى. الايدا شەتەلدەن شاقىرىپ قويىلعان قوناقتار بار, ارنايى كەلۋشٸلەر بار. سولاردى ەسكەرۋ كەرەك بولدى. سوندىقتان ارىستىقتارعا كٶمەك رەتٸندە وسى كونتسەرتتەن تٷسكەن قاراجاتتىڭ بٸر بٶلٸگٸن اۋدارامىن دەپ شەشتٸم. بۇل سٸزدەردٸڭ دە كٶمەكتەرٸڭٸز بولىپ سانالادى, اعايىن» - دەدٸ ديماش قۇدايبەرگەن كونتسەرت بارىسىندا.
«ديماش – قۇبىلىس»
شىعىس قازاقستان وبلىسى, كٷرشٸم اۋدانىنىڭ تۇرعىنى, ديماشتىڭ تىڭدارمانى سەۋلە ساعاتوۆا ديماش قايتالانباس ەنشٸ ەكەنٸن ايتتى.
«ديماشتىڭ شىعارماشىلىعىن ەرەكشە جاقسى كٶرەم. ەردايىم تٸلەۋلەس بولىپ, ول تۋرالى جاڭالىقتاردى قالدىرماي وقيمىن. نۇر-سۇلتان قالاسىنا ديماشتىڭ كونتسەرتٸ ٷشٸن ارنايى كەلدٸم. ديماش بالامىز تٸل-كٶزدەن امان بولسىن. ول – تۋما تالانت, ول – تەكتٸ, ول – ەرەكشە, ول – ەلٸنٸڭ عانا ەمەس, ەلەمنٸڭ ەرەكشە ىقىلاسىنا بٶلەنگەن ەنشٸ», - دەيدٸ سەۋلە ساعاتوۆا.
بۇعان دەيٸن ديماش قۇدايبەرگەننٸڭ استانا ارەنا ستاديونىندا جەكە كونتسەرتٸ ٶتەتٸنٸ تۋرالى جازعان بولاتىنبىز.
