ۇلىتاۋدىڭ 72 جاستاعى تۇرعىنى سەرسەنباي قوتىراشەۆ بٷكٸل قازاقستاندى جاياۋ ارالاپ, پەتروپاۆلعا جەتٸپ قالدى. مارافونشى 111 كٷندە قازاقستاننىڭ 15-تەن اسا قالاسىن جاياۋ جٷرٸپ ٶتتٸ, - دەپ حابارلايدى Tengrinews.kz.
"قازاقستاندىقتار مەن ەل قوناقتارى مەنٸ كٶرٸپ, ساپاردىڭ ماقساتىن ەستٸگەن بويدا قولداۋ بٸلدٸرەدٸ. دەنساۋلىق, اق جول تٸلەيدٸ. ەر قالادا مەنٸ قوناقجايلىقپەن قارسى الادى. قولداۋ مەن جىلى لەبٸزدٸڭ ارقاسىندا ماقساتىما كٷن سايىن جاقىنداپ كەلەمٸن", – دەيدٸ ساياحاتشى.
مارافونشىنىڭ بٸرنەشە ماقساتى بار. تۋىپ-ٶسكەن, ەڭبەك ەتكەن جەرٸ تۋرالى ايتقىسى كەلەدٸ. وتاندىق قولٶنەرشٸلەر تۋرالى ماعلۇمات جيناپ, "كٶكمايسا" قىمىز فەستيۆالٸن كەڭٸنەن ناسيحاتتاعىسى كەلەدٸ. مارافونشىنىڭ ويىنشا, بيە سٷتٸن ٸشۋ فەستيۆالٸ ۇلتتىق يگٸلٸككە اينالۋى تيٸس. ايتپاقشى, سەرسەنباي قوتىراشوۆ جٷرگەن جەرٸندە قىمىز ٸشٸپ جٷرۋگە تىرىسادى. سۋسىن وعان كٷش پەن قۋات بەرەدٸ. اقساقال كٷنٸنە كەمٸندە 40 شاقىرىم جاياۋ جٷرەدٸ.
"كەيدە كٷنٸنە 90-100 شاقىرىم جاياۋ جٷرەمٸن. بۇل توقتاۋعا كٶپ ۋاقىت كەتەتٸن جاعدايلاردا. ٶتٸپ بارا جاتقاندار بٸرگە سۋرەتكە تٷسۋدٸ سۇرايدى, سونىمەن قاتار ولاردى قىزىقتىراتىن سۇراقتارعا جاۋاپ بەرەمٸن. مارافون كەزٸندە 14 رەت اربانىڭ دوڭعالاقتارىن اۋىستىردىم. اياقكيٸم توزدى, 6 جۇپ اۋىستىردىم", - دەپ بٶلٸستٸ اقساقال.
