فوتو: "حابار 24"
ۇلىتاۋ وبلىسىنداعى جاڭاارقا اۋدانىنداعى اۋىلدىق وكرۋگتٸڭ بٸرٸ الكوگولدەن تولىق باس تارتقان. بۇل ايماقتا الكوگول ساتىلمايدى دا, قولدانىلمايدى دا. بۇل تۇرعىنداردىڭ ٶزٸ قابىلداعان شەشٸم, كەيٸنگٸ ٷش جىلدا اۋىلدىق وكرۋگتە بٸردە-بٸر قىلمىس بولماعان, - دەپ حابارلايدى Tengrinews.kz سايتى "حابار 24" تەلەارناسىنا سٸلتەمە جاساپ.
جەرگٸلٸكتٸ تۇرعىنداردىڭ سٶزٸنشە, ٸشٸمدٸكتەن باس تارتۋ تۋرالى ۇسىنىس ەڭ الدىمەن جاستاردان تٷسكەن. بۇل يدەيانى اۋىل تۇرعىندارى دا قولداعان. ٸشٸمدٸكتٸ ٸشۋگە تىيىم سالىنىپ قانا قويماي, دٷكەن سٶرەلەرٸنەن دە الىنىپ تاستالدى.
"جاستارىمىز ٶتە بەلسەندٸ. بەرٸمٸز ٸشٸمدٸككە تٷبەگەيلٸ قارسىمىز. تىنىش ٶمٸردٸڭ دەمەۋشٸسٸ - ٸشٸمدٸكتٸڭ بولماۋى", - دەيدٸ سەكەن سەيفۋللين اتىنداعى اۋىل تۇرعىنى نۇرلان ورىنبايۇلى.
اۋىلدىق وكرۋگ قۇرامىندا 3 اۋىل بار. جەرگٸلٸكتٸ ۋچاسكەلٸك ينسپەكتور اۋىلداردى كٶپ ارالامايدى.
"كەيٸنگٸ جىلدارى بٸردە-بٸر قىلمىس تٸركەلمەدٸ. اۋىل جاستارى قىزمەتپەن نەمەسە مال باعۋمەن اينالىسادى", - دەيدٸ ينسپەكتور سەكەن قارتاەۆ.
سەكەن سەيفۋللين اتىنداعى اۋىلدا مەرەكەلەر ٸشٸمدٸكسٸز ٶتەدٸ. دٷكەنٸ بار كەسٸپكەرلەر اۋىل تۇرعىندارى سەكٸلدٸ ٸشٸمدٸكتەن باس تارتقان.
