ۇلىبريتانييادا لوكداۋن مەرزٸمٸ ۇزارتىلۋى مٷمكٸن

بريتان ٷكٸمەتٸنٸڭ جوعارى لاۋازىمدى شەنەۋنٸگٸ كوروناۆيرۋسقا بايلانىستى ەنگٸزٸلگەن قاتاڭ شارالار ۇزارتىلۋى مٷمكٸن ەكەنٸن ەسكەرتتٸ. 

مينيسترلەر كابينەتٸنٸڭ جەتەكشٸسٸ مايكل گوۋۆتان اقپارات قۇرالدارى "شەكتەۋ شارالارى بٸر ايدان دا ۇزاق بولۋى مٷمكٸن بە?" دەپ سۇراعان كەزدە "يە" دەپ جاۋاپ بەرگەن. 

وسىعان دەيٸن فرانتسييا, گەرمانييا جەنە ٶزگە ەلدەر ٸندەتتٸڭ ەكٸنشٸ تولقىنىنا بايلانىستى كارانتيندٸ كٷشەيتكەن. ٸزٸنشە ۇلىبريتانييا دا 5 قاراشادان باستاپ, قاتاڭ شارالار ەنگٸزەتٸنٸن حابارلاعان. 

پورتۋگالييا, گرەتسييا, اۆسترييا جارتىلاي لوكداۋنعا كٶشەدٸ. 

قازٸر ەۋروپادا كٷن سايىن شامامەن 240 مىڭنان استام ادامنان كوروناۆيرۋس تابىلىپ جٷر. ەۋروپانىڭ 14 ەلٸندە اۋرۋحاناعا جاتقىزىلعاندار سانى رەكوردتىق كٶرسەتكٸشكە جەتكەن.

بەلگييادا 2 قاراشادان باستاپ لوكداۋن ەنگٸزٸلەدٸ, گەرمانييادا دٷيسەنبٸدەن باستاپ "جارتىلاي جابىق" رەجيم كٷشٸنە ەنەدٸ. 

ٶتكەن اپتادا يتالييا مەن يسپانييادا شەكتەۋ شارالارىنا قارسىلىق اكتسيياسى كەزٸندە دەمونسترانتتار پوليتسييامەن قاقتىعىسىپ قالدى. 

4,5 ملن حالقى بار سلوۆاكييا الداعى بٸرنەشە اپتا ٸشٸندە تۇرعىنداردى جاپپاي كوروناۆيرۋس تەستٸنەن ٶتكٸزەتٸنٸن ايتىپ وتىر. 

1 قاراشادا رەسەيدە ناۋقاستار سانى بويىنشا تاعى رەكوردتىق كٶرسەتكٸش تٸركەلدٸ. ەلدە 1 قاراشادا 18 655 ادامنان كوروناۆيرۋس تابىلعان.