ۇلىبريتانييادا جاڭا تيپتٸ كوروناۆيرۋس ٸندەتٸ شارىقتاۋ شەگٸنە جەتتٸ. بۇل تۋرالى انگلييانىڭ باس سانيتارلىق دەرٸگەرٸ كري ۋيتتيدٸڭ دٷيسەنبٸ كٷنٸ جاساۋ تيٸس بايانداماسىندا ايتىلعان, دەپ حابارلايدى را اگەنتتٸگٸ.
«ۇلىبريتانيياداعى قازٸرگٸ ٷردٸس - تەرٸس باعىتقا بارا جاتقاندىعىمىزدىڭ ايعاعى. بۇل - بٸزدٸڭ پاندەمييانىڭ شارىقتاۋ شەگٸنە جەتكەندٸگٸمٸزدٸ كٶرسەتەدٸ», - دەلٸنگەن ۋيتتيدٸڭ بايانداماسىندا.
ول باسپاسٶز مەسليحاتىندا بريتاندىق ٷكٸمەتتٸڭ عىلىمي كەڭەسشٸسٸ پاتريك ۆاللانسپەن بٸرگە سٶز سٶيلەۋٸ تيٸس.
را مەلٸمەتٸنشە, بٸرٸككەن كورولدٸكتٸڭ پرەمەر-مينيسترٸ بوريس دجونسون سەيسەنبٸدە ۇلتقا ارناپ تەلەٷندەۋ جولداۋى مٷمكٸن. وندا پرەمەر-مينيستر كوروناۆيرۋسقا بايلانىستى ەنگٸزٸلگەن ساقتىق ەرەجەلەرٸن قاتاڭ ۇستانۋدى سوڭعى رەت ەسكەرتپەك. ولاي بولماعان جاعدايدا جالپىۇلتتىق كارانتين ەنگٸزٸلەتٸن بولادى.