ۇلىبريتانييانىڭ كوممۋنيكاتسييا جٶنٸندەگٸ اگەنتتٸگٸ (Ofcom) قىتايلىق China Global Television Network (CGTN) تەلەارناسىن ليتسەنزيياسىنان ايىردى. Ofcom زەرتتەۋٸ تەلەارنا كونتەنتٸن ليتسەنزيياعا يە كومپانييا ەمەس, قىتاي كوممۋنيستٸك پارتيياسى باقىلايتىنىن انىقتاعان.
اگەنتتٸك 4 اقپان كٷنگٸ حابارلاماسىندا “اعىلشىن تٸلدٸ حالىقارالىق China Global Television Network تەلەارناسى ۇلىبريتانييانىڭ حابار تاراتۋ زاڭىن بۇزعانى ٷشٸن ليتسەنزيياسىنان ايىرىلدى” دەپ جازعان.
"بٸزدٸڭ زەرتتەۋٸمٸز China Global Television Network ارناسىنىڭ ليتسەنزيياسىنا يە ۇيىم باعدارلامالارعا رەداكتسييالىق باقىلاۋ جاسامايتىنىن كٶرسەتتٸ. بٸز China Global Television Network Corporation ارناسىنا ليتسەنزييا بەرۋ تۋرالى ٶتٸنٸشتٸ ماقۇلداي المايمىز, سەبەبٸ ونى قىتاي كوممۋنيستٸك پارتيياسى باقىلايدى, بۇل ۇلىبريتانييانىڭ حابار تاراتۋ زاڭىنا قايشى" دەلٸنگەن اگەنتتٸك حابارلاماسىندا.
اگەنتتٸكتٸڭ حابارلاۋىنشا, گونكونگتەگٸ دەموكراتيياشىل بەلسەندٸلەردٸڭ نارازىلىعىنان وبەكتيۆتٸ اقپارات تاراتپاعانى ٷشٸن قىتايلىق ارناعا جاقىن ارادا تاعى بٸر شەشٸم شىعۋى تيٸس.
ساراپشىلار بۇل شەشٸم شىڭجاڭداعى مۇسىلمانداردىڭ لاگەرلەرگە قامالۋى, گونكونگتەگٸ ديسسيدەنتتەردٸڭ قۋدالانۋى جەنە Huawei تەحنولوگيياسىنىڭ قاۋٸپسٸزدٸگٸ تٶڭٸرەگٸندە الاڭداۋشىلىق بٸلدٸرٸپ جٷرگەن لوندوننىڭ پەكينمەن اراداعى ونسىز دا ناشارلاعان قاتىناسىن ۋشىقتىرىپ جٸبەرەدٸ دەپ وتىر.
