قر مەدەنيەت جەنە سپورت مينيسترٸ ارىستانبەك مۇحامەديۇلى ۇلى جٸبەك جولى ەلدەرٸنٸڭ ورتاق تۋريستٸك ۆيزاسىن ەزٸرلەۋدٸ ۇسىندى, دەپ حابارلايدى قازاقپارات تٸلشٸسٸ.
«ەجەلدەن قازاقستان ۇلى جٸبەك جولىنىڭ اينىماس بٶلشەگٸ بولدى جەنە 2015 جىلى بودرۋمدا ٶتكەن تٷركٸ كەڭەسٸنە مٷشە مەملەكەت باسشىلارىنىڭ تٶرتٸنشٸ سامميتٸندە قازاقستان «تٷركٸ كەڭەسٸ: زاماناۋي جٸبەك جولى» تۋريستٸك ٶنٸمٸن ەزٸرلەيتٸن جۇمىس توبىنىڭ ٷيلەستٸرۋشٸسٸ اتاندى. وسىعان بايلانىستى سٶزدەن ٸسكە كٶشٸپ, تۋريزم بويىنشا ناقتى شەشٸمدەردٸ قىرعىزستاندا ٶتەتٸن تٷركٸتٸلدەس مەملەكەت باسشىلارىنىڭ كەزەكتٸ سامميتٸنە ۇسىنۋىمىز كەرەك», - دەدٸ ارىستانبەك مۇحامەديۇلى استانادا تٷركٸ كەڭەسٸنە مٷشە مەملەكەتتەرٸ تۋريزم جٶنٸندەگٸ مينيسترلەرٸنٸڭ تٶرتٸنشٸ كەزدەسۋٸندە.
مۇحامەديۇلى ٶز سٶزٸندە ۇلى جٸبەك جولى ەلدەرٸنٸڭ ۆيزالىق رەجيمٸن وڭتايلاندىرۋ مەسەلەسٸن كٶتەردٸ.
«ۇلى جٸبەك جولى بويىنشا تٷركٸ كەڭەسٸ بەكٸتكەن تۋريستٸك باعىتقا ورتاق ۆيزالىق رەجيم مەسەلەسٸن شەشۋٸمٸز قاجەت. تۋريستٸك ماقساتتاعى «ۇلى جٸبەك جولى» ۆيزاسى ەۋروپا ەلدەرٸنە ورتاق «شەنگەن» ۆيزاسىنىڭ بالاماسى بولار ەدٸ. وسىلايشا, شەتەلدٸك تۋريستەرگە ەجەلگٸ قالالارىمىزدى كٶرسەتٸپ, ۇمىتىلماس ەسەر سىيلاي الامىز», - دەدٸ مينيستر.
مينيستردٸڭ ايتۋىنشا, قازاقستان قازٸرگٸ ۋاقىتتا ۆيزالىق-ميگراتسييالىق رەجيمدٸ ىرىقتاندىرۋعا كٶڭٸل بٶلٸپ وتىر.
«بٷگٸندە 61 مەملەكەتتٸڭ ازاماتتارى قازاقستاندىق ۆيزانى الۋدان بوساتىلدى. ودان بٶلەك, 48 ەلدٸڭ ازاماتتارىنا تۋريستٸك ۆيزا بەرەردە شاقىرۋدى رەسٸمدەۋ تالاپ ەتٸلمەيدٸ. قىتاي ازاماتتارىنا توپتىق تۋريستٸك ۆيزالار بەرۋ قولعا الىندى. دەل وسىنداي كەلٸسٸم يران مەملەكەتٸمەن جٷرگٸزٸلٸپ جاتىر. استانا مەن الماتى ەۋەجايلارىندا قىتاي مەن ٷندٸستان ازاماتتارىنا 72 ساعاتتىق ترانزيتتٸك ۆيزا بەرٸلەدٸ», - دەپ ەسكە سالدى ارىستانبەك مۇحامەديۇلى.
ايتا كەتەيٸك, 2018 جىلدىڭ 3 قىركٷيەگٸندە قىرعىزستاننىڭ شولپان اتا قالاسىندا تٷركٸتٸلدەس مەملەكەتتەر باسشىلارىنىڭ كەزەكتٸ سامميتٸ ٶتەدٸ. سامميت 2-8 قىركٷيەكتە شولپان اتادا ٶتەتٸن ٷشٸنشٸ دٷنيەجٷزٸلٸك كٶشپەندٸلەر ويىنى اياسىندا ۇيىمداستىرىلماق.
تٷركٸ ىنتىماقتاستىق كەڭەسٸ 2009 جىلى قۇرىلعان بولاتىن. ونىڭ قۇرامىنا قازاقستان, تٷركييا, ەزەربايجان مەن قىرعىز رەسپۋبليكاسى كٸرەدٸ. قىرعىزستاندا ٶتەتٸن كەلەسٸ وتىرىسقا ٶزبەكستان رەسپۋبليكاسى دا قاتىسادى.
