ەلباسى نۇرسۇلتان ەبٸشۇلى نازارباەۆتىڭ قارىمدى قالامىنان تۋعان «ۇلى دالانىڭ جەتٸ قىرى» ماقالاسى تۇڭعىش پرەزيدەنت كٷنٸ قارساڭىندا تٷركييانىڭ تٶرٸندە تالدانىپ, تارازىلاندى. مازمۇندى ماقالا – كٶكەيٸمٸزدەگٸ كٶپ جايتتىڭ جاۋابىن جۇپتاعان دٷنيە بولدى. قارىمدى ەڭبەك, اۋقىمدى باعدارلاما رەتٸندە جوعارى باعا العان ماقالا قوجا احمەت ياساۋي اتىنداعى حالىقارالىق قازاق-تٷرٸك ۋنيۆەرسيتەتٸنٸڭ ٶكٸلەتتٸ كەڭەس باسقارماسىنىڭ مۇرىندىق بولۋىمەن ٶتكەن القالى جيىندا كەڭٸنەن تالقىلاندى. انىعىندا, وقۋ ورنىنا ٷستٸمٸزدەگٸ جىلى باسشىلىققا كەلگەن قوس جەتەكشٸ – بولاتبەك ابدراسيلوۆ پەن جەنگيز تومار مىرزالاردىڭ تٷركييا رەسپۋبليكاسىنا جاساعان ساپارلارى پرەزيدەنت ماقالاسىن تالقىلاۋعا ورايلى مٷمكٸندٸك بولدى.
ىستامبۇل قالاسىنداعى تٶرت بٸردەي ٸرگەلٸ وقۋ ورىندارىنىڭ عالىمدارىنىڭ باسىن قوسىپ, ٷلكەن ويتالقىنىڭ كٶرٸگٸن قىزدىرعان باسشىلىق, انكارادا دا اۋىز تولتىرا ايتارلىق جاستار جيىنىن ۇيىمداستىردى.
ق.ا.ياساۋي اتىنداعى حالىقارالىق قازاق-تٷرٸك ۋنيۆەرسيتەتٸ ٶكٸلەتتٸ كەڭەسٸنٸڭ تٶراعاسى, پروفەسسور مۇسا يىلدىز مىرزا باسشىلىق ەتكەن مەجٸلٸس ماقالانى مازمۇندى تالداۋىمەن دارالاندى.
ماعجان اتامىز ايتقانداي, تولقىننان تولقىن تۋىپ, تولىمدى تولعامدار تٸلگە تيەك, ويعا ٶزەك بولدى. مۇسا يىلدىز مىرزا: «نۇرسۇلتان ەبٸشۇلى ەۋەلٸ «قازاقستان – 2030» ستراتەگيياسىن تٷزدٸ. سوڭىرا ونى «قازاقستان – 2050» مەجەسٸمەن نىعايتىپ, «مەڭگٸلٸك ەل» يدەياسىمەن بەكەمدەدٸ. دٷركٸن-دٷركٸن ماڭىزدى ماقالالارى جارىق كٶرٸپ تۇرادى. مەن ەلەمنٸڭ باسقا جەرٸندە مۇنداي كەمەل كٶشباسشىنى كٶرگەنٸم جوق», - دەپ, سالماقتى سٶز ساپتادى.
ۋنيۆەرسيتەت پرەزيدەنتٸ بولاتبەك سەرٸكبايۇلى ماقالاداعى باستى باعىتتاردى باعامداپ, جاستارعا كەڭٸنەن تٷسٸندٸردٸ. ٷزەڭگٸلەس باسشى جەنگيز تومار مىرزا بولسا, ەلباسى ماقالاسىنداعى يدەيالاردىڭ ياساۋي بابا مۇراسىمەن ٷندەسٸپ جاتقانىن اتاپ ٶتٸپ, وقۋ ورنىمىزدىڭ اتقارىپ كەلە جاتقان اۋقىمدى جۇمىستارىنىڭ كٶبٸنٸڭ ماقالادا تۇجىرىمدى تٷردە كٶرٸنٸس تاپقانىن جەتكٸزدٸ.
اعا بۋىن عالىمدار مەن جاس ٸزدەنۋشٸلەر دە ماقالانىڭ مەن-ماعىناسىن الۋان تۇرعىدا تالداپ, ٶزٸندٸك كٶزقاراستارىمەن ٷندەستٸرە وتىرىپ, پٸكٸرلەرٸن باياندادى.
«وزعان ەل – تاريحىن تاسپەن جازادى, توزعان ەل – تاريحىن جاسپەن جازادى», - دەگەن اتالى سٶزبەن باعامداعاندا, ماقالادا قوزعالعان تاتىمدى تاقىرىپتار تاريحي سانانىڭ جاڭعىرۋىنا دەم بەرەتٸنٸ تالقىلاۋ جيىنى بارىسىندا ايرىقشا اتاپ ٶتٸلدٸ.
مەجٸلٸس سوڭىندا قادٸرمەندٸ قوناقتارعا بٸلٸمگەر انكارا جاستارى اتىنان العىس حاتتار تاپسىرىلىپ, قۇرمەت كٶرسەتٸلدٸ.
ەلباسى ماقالاسى عىلىم مايتالماندارىنا تىڭ سەرپٸن بەرٸپ, جاستاردىڭ ۇشقىر قييالىنا قانات بٸتٸردٸ.
مىرزاحان بايجانۇلى,
انكارا حاجى بايرام ۆەلي ۋنيۆەرسيتەتٸنٸڭ دوكتورانتى
.jpeg)