قازاقستاندا مەملەكەتتٸك جەنە ۇلتتىق جوعارى وقۋ ورىندارى ٶتكەن ەكٸ جىلدا 600-دەن استام جاڭا جەنە 100-گە جۋىق يننوۆاتسييالىق بٸلٸم باعدارلاماسىن ەنگٸزدٸ, دەپ حابارلايدى "ۇلت اقپارات".
جاڭا بٸلٸم باعدارلامالارىنا جوعارى وقۋ ورىندارىندا بۇرىن-سوڭدى كادر دايارلاۋعا پايدالانىلماعان, ال يننوۆاتسييالىق باعدارلامالارعا ۋنيۆەرسيتەتتە العاش رەت ەنگٸزٸلٸپ وتىرعان جەنە باسقا جوو-دا جوق بٸلٸم باعدارلامالارى جاتادى.
جاڭا بٸلٸم باعدارلامالارىنىڭ باسىم بٶلٸگٸ «پەداگوگيكالىق عىلىمدار» (20%), «بيزنەس, باسقارۋ جەنە قۇقىق» (18%), «ينجەنەرلٸك, ٶڭدەۋ جەنە قۇرىلىس سالالارى» (16%) باعىتتارى بويىنشا اشىلدى.
مۇنداي ٷردٸس پەداگوگتەردٸڭ مەرتەبەسٸن ارتتىرۋمەن, سونىمەن بٸرگە ەل ەكونوميكاسىنداعى ٶڭدەۋشٸ جەنە قۇرىلىس سالالارىن دامىتۋعا دەگەن سۇرانىسپەن بايلانىستى.
«بعم-گە ۆەدومستۆولىق باعىنىشتى ۇلتتىق جەنە مەملەكەتتٸك جوعارى وقۋ ورىندارىنىڭ بارلىق جاڭا جەنە يننوۆاتسييالىق باعدارلاماسى جوعارى جەنە جوعارى وقۋ ورنىنان كەيٸنگٸ بٸلٸم باعدارلامالارىنىڭ تٸزٸلٸمٸنە ەنگٸزٸلگەن. بۇل ولاردىڭ جوعارى وقۋ ورىندارىنىڭ بٸلٸم بەرۋ قىزمەتٸنە قويىلاتىن بٸلٸكتٸلٸك تالاپتارىنا سەيكەستٸگٸن راستايدى. قازٸر بٸز بٸلٸم ساپاسىنا دەگەن سۇرانىستى كٷشەيتٸپ جاتىرمىز. ەنگٸزٸلٸپ جاتقان باعدارلامالار جۇمىس بەرۋشٸلەرمەن بٸرلەسٸپ, ولاردىڭ ماماندارعا قوياتىن تالاپتارى مەن سۇرانىستارىن ەسكەرە وتىرىپ ەزٸرلەنگەن», — دەپ اتاپ ٶتتٸ قر بعم جوعارى جەنە جوعارى وقۋ ورنىنان كەيٸنگٸ بٸلٸم دەپارتامەنتٸنٸڭ ديرەكتورى ەدٸلەت تويباەۆ.
مەسەلەن, قاراعاندى تەحنيكالىق ۋنيۆەرسيتەتٸندە 2019 جىلدان باستاپ 7 جاڭا بٸلٸم باعدارلاماسى بويىنشا مامان دايارلاۋ جٷرگٸزٸلٸپ كەلەدٸ.
بۇل - «ماشينا جاساۋ سالاسىنداعى تسيفرلىق تەحنولوگييالار», «باسقارۋدىڭ كٸرٸكتٸرٸلگەن تسيفرلىق جٷيەلەرٸ», «تاۋ-كەن كەسٸپورىندارى مەن جەراستى قۇرىلىستارىن سالۋ», «تسيفرلىق اەروفوتوتٷسٸرٸلٸم», «تاماق بيويندۋستريياسى», «IT-مەديتسينا» جەنە «جەردٸ قاشىقتىقتان الدىن الا تەكسەرۋ».
ۇلتتىق جەنە مەملەكەتتٸك جوعارى وقۋ ورىندارى سونداي-اق «كيبەرپەداگوگيكا», «تسيفرلىق اناليتيكالىق بٸلٸم بەرۋ جٷيەلەرٸن جوبالاۋ», «جاساندى ينتەللەكت تەحنولوگييالارى», «ۇشاتىن اپپاراتتاردىڭ ۇشۋ ديناميكاسى جەنە قوزعالىسىن باسقارۋ», «مەديتسينالىق ينجينيرينگ» جەنە باسقا دا يننوۆاتسييالىق بٸلٸم بەرۋ باعدارلامالارى بويىنشا ماماندار دايارلايدى.
تورايعىروۆ ۋنيۆەرسيتەتٸندە (بۇرىنعى «س.تورايعىروۆ اتىنداعى پاۆلودار مەملەكەتتٸك ۋنيۆەرسيتەتٸ») Computer Science يننوۆاتسييالىق جاڭا فاكۋلتەتٸ قۇرىلدى.
ۋنيۆەرسيتەت ستۋدەنتتەرٸ كيبەرقاۋٸپسٸزدٸك, باعدارلامالىق ينجەنەرييا, ۆەب-ەزٸرلەۋ, DevOps-ينجەنەرييا, گرافيكا جاساۋدى ٷيرەنەدٸ.
ولارعا IT سالاسىنىڭ تەجٸريبەلٸ ماماندارى ساباق بەرەدٸ.
سونداي-اق ٶتكەن ەكٸ جىلدىڭ ٸشٸندە جوعارى وقۋ ورىندارىندا «تسيفرلىق پەداگوگيكا», «STEM-بٸلٸم بەرۋ», «اقپاراتتىق قاۋٸپسٸزدٸك», «ادام رەسۋرستارىن باسقارۋ» جەنە باسقا دا بٸلٸم باعدارلامالارى جاڭارتىلدى.
جوعارى وقۋ ورىندارى باسقا دا بٸلٸم بەرۋ باعدارلامالارىن ودان ەرٸ جەتٸلدٸرۋ ەرٸ ٶزەكتەندٸرۋ بويىنشا جۇمىس جٷرگٸزەدٸ.
بٷگٸندە قولدانىستاعى باعدارلامالاردىڭ 40%-دان استامى جاڭارتىلدى. باعدارلامالارعا جاڭا پەندەر مەن تەجٸريبەگە باعىتتالعان كۋرستار ەنگٸزٸلگەن.
بٸلٸم مەن عىلىمدى دامىتۋدىڭ 2020-2025 جىلدارعا ارنالعان مەملەكەتتٸك باعدارلاماسى اياسىندا جاڭا بٸلٸم باعدارلامالارىن ەنگٸزۋ جالعاسادى.
