«بٸلٸمدٸ – وقىعانىنا, كٶرگەنسٸز – تەجٸريبەسٸنە سٷيەنەدٸ».
تسيتسەرون.
ەڭ الدىمەن ەلدٸك, ۇلتتىق رۋحتى, وي-سانا مەن نامىستى بۇرىن-سوڭدى بولىپ كٶرمەگەن دەرەجەدە كٶككە اسقاقتاتپايىنشا رۋحاني جاڭعىرۋ مەن كەمەلدٸكپەن جاڭارۋدىڭ ۇتقىر سەتٸ تٷسپەيدٸ.
قازاق «ەشتەن كەش جاقسى» دەمەكشٸ, وسىعان وراي 2017 جىلى قوعامدىق تالقىلاۋعا تٷسكەن ەلباسى نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» اتتى ماقالاسى بٸز كٶپتەن بەرٸ كٶتەرٸپ كەلە جاتقان ۇلتتىق ٶزەكتٸ مەسەلەلەردٸڭ تٷيٸندەرٸن تەزٸرەك شەشسە, ۇلتقا سەرٸپپەدەي سەرپٸلٸس پەن سٸلكٸنٸس ەكەلسە, نۇر ٷستٸنە نۇر بولاتىنى سٶزسٸز. بۇل ٷشٸن ەل بولىپ, ورتاق ۇلتتىق ٸسكە بٸر كٸسٸدەي جۇمىلا بٸلۋٸمٸز كەرەك. ەندٸ وسىناۋ ماقالاداعى باعداردى قوعام بولىپ تالقىلاپ, ودان جۋىق اراداعى ونجىلدىقتاردا نە ٸستەۋٸمٸز كەرەكتٸگٸ تۋرالى ناقتى باعدارلامالار قۇرۋ, ۇتقىر باعىت-باعدارىمىزدى جٷيەلەۋ سٸز بەن بٸزدٸڭ, ياعني, قوعامنىڭ ەڭ ايتۋلى مٸندەتٸ.
بٸز, قازاق ەلٸ دامىلسىز دامىعان, كەمەلدٸك پەن ٶركەنيەتكە جەتكەن مەملەكەت قاتارىندا بولعىمىز كەلەتٸنٸ سٶزسٸز. بۇل زاڭدى قۇبىلىس. الايدا قوعامدى, مەملەكەتتٸ دامىتاتىن ۇلى كٷش – ادام. بۇل تەڭدەسٸ جوق ەڭ باستى التىن قور. بۇل ەڭ نەگٸزگٸ مەڭگٸ بايلىق – وسى ادام. ولاي بولسا, ەر ادام, قوعامدىق قۇرىلىم ەڭ الدىمەن نەندەي اسا قاتەرلٸ دەرت پەن كەساپاتتان تەزٸرەك ارىلۋعا تيٸسپٸز?
- قۇلدىق سانادان,
- پاراقورلىقتان,
- جەمقورلىقتان,
- جاعىمپازدىقتان,
- ساتىلىمپازدىقتان.
ول ٷشٸن نە كەرەك?
- «ۇلتتىق جاڭعىرۋ» يماني وقۋ – اعارتۋشىلىق باعىتى وزىق دەرەجەدە بولۋى كەرەك,
- «ۇلتتىق قۇندىلىقتار مەن اسىلدىقتاردى قۇنتتاۋ» باعىتى كەرەك,
- ۇلتتىق – ٶنٸم, ۇلتتىق برەندتٸ قالىپتاستىرۋ كەرەك,
- جاڭعىرعان باق – سانا جاڭعىرۋىنىڭ قوزعاۋشى ٷلكەن كٷشٸن جاساقتاۋ كەرەك,
- كونسترۋكتيۆتٸ سىن – ۇلتتىق دامۋ مەن كەمەلدەنۋدٸڭ مەڭگٸ كەپٸلٸ ەكەنٸن كەمەل كٸسٸلٸكپەن مويىنداپ, قولداۋ مەن قورعاۋدىڭ التىن باعىت-باعدارىن تەزٸرەك جاساقتاۋ كەرەك,
- ۇلتتىق جانقييار قايراتكەرلەردٸ ٷنەمٸ ۇلىقتاۋ مەن ولاردى قولداپ وتىرۋدى وزىق دەرەجەدە ٷيلەستٸرۋدٸ, قالىپتاستىرۋدى جەدەل تٷردە قولعا الۋ كەرەك.
ادامزات تاريحىندا حالىقتى, ۇلتتى, ۇرپاقتى قالاي بولعان كٷندە دە جان-جاقتى تەرەڭ ويلانتا بٸلۋدەن, تولعانتا بٸلۋدەن, ەلدٸكتٸ, قوعامدىق دامۋدى سارالاي بٸلۋگە قۇلشىندىرۋدان, ٶمٸرلٸك جاڭا سەرپٸلٸستٸ سٸلكٸنٸسكە تٷسٸرۋدەن اسقان قۇدٸرەتتٸڭ بولۋى مٷمكٸن بە?! جوق.
كەمەل تولىق ادام بولۋعا, ۇلتتىق تۇلعاعا اينالۋعا مٷددەلٸ ادامدى داڭققا باستايتىن, مەجەلٸ مۇراتقا جەتكٸزەتٸن جول بٸرەۋ, ول – جاڭاشىلدىعى مەن باستاماشىلدىعى زور, ٸزدەنٸمپاز ەڭبەكقورلىعى مول, قايتپاس, قاجىماس قاجىرلى ەڭبەك قانا. ەندەشە ۇلتتىق ۇلى ماقساتقا قول جەتكٸزۋ ٷشٸن بٸزدٸڭ وي-سانامىز ٸستەرٸمٸزدەن اناعۇرلىم وزىپ جٷرۋٸ, ياعني ودان بۇرىنعىدان دا بەتەر جاڭاشا جاڭعىرىپ, جاڭارىپ, اسىلدانىپ وتىرۋى تيٸس. سوندا عانا ۇلتتىق ۇتقىر ٸستەرٸمٸز العا وزۋدى ارتتىرا تٷسەدٸ.
مولداعالي ماتقان
