فوتو: Ult.kz
قازاق پۋبليتسيستيكاسى – حالىق جادىن ساقتايتىن اينا, ۇلتتىق رۋحتى كٶتەرەتٸن كٷش, زامانا ٷنٸن جەتكٸزەتٸن سەنٸمدٸ قۇرال. ۋاقىت ٶتكەن سايىن بۇل سالاعا قويىلار تالاپ تا, ٸزدەنٸس تە ارتا تٷستٸ. وسىنداي بٸر رۋحاني سەرپٸنگە تولى سەت ەل-فارابي اتىنداعى قازاق ۇلتتىق ۋنيۆەرسيتەتٸنٸڭ جۋرناليستيكا فاكۋلتەتٸندە ٶتتٸ, – دەپ حابارلايدى Ult.kz تٸلشٸسٸ.
شەراعاڭ – سٶز ٶنەرٸنٸڭ شىڭىنداعى تۇلعا
شەرحان مۇرتازا اتىنداعى اۋديتورييادا قازاق كٶسەمسٶزٸنٸڭ عىلىمي ٶرٸسٸن كەڭەيتكەن قوس ەڭبەك تانىستىرىلدى. ونىڭ بٸرٸ – پروفەسسور, فيلولوگييا عىلىمىنىڭ دوكتورى ريمما جاقسىلىقباەۆانىڭ «كٶسەمسٶز كەمەڭگەرٸ: شەرحان مۇرتازا» اتتى ەكٸ تومدىق مونوگرافيياسى بولسا, ەكٸنشٸسٸ – جاس عالىم, قازۇۋ تٷلەگٸ باعدات سۇلتانقىزىنىڭ «پۋبليتسيستٸڭ شىعارماشىلىق زەرتحاناسى: دارىن تابيعاتى, جازۋ ماشىعى» اتتى زەرتتەۋ ەڭبەگٸ.
فوتو: Ult.kz
شەرحان مۇرتازا – قازاق رۋحانيياتىنىڭ بيٸك شىڭىنا كٶتەرٸلگەن دارا تۇلعا. ول جۋرناليستيكاعا ەلدٸك مٷددەنٸ قورعاۋدىڭ, ەدٸلەتتٸلٸك ٷشٸن كٷرەستٸڭ مٸنبەرٸن جاساپ بەردٸ. «حالىق شەرحانىنسىز كٷنٸن ەلەستەتە المايدى» دەۋ – بەكەر سٶز ەمەس.
ريمما جاقسىلىقباەۆانىڭ ەكٸ تومدىق ەڭبەگٸ – وسى ۇلى تۇلعانىڭ كٶسەمسٶزدٸك مۇراسىن عىلىمي تۇرعىدان كەشەندٸ تالداعان تۇڭعىش كٶلەمدٸ زەرتتەۋ. عالىم ەڭبەگٸندە شەراعاڭنىڭ ەر كەزەڭدەگٸ شىعارماشىلىق جولىن زەردەلەپ, پۋبليتسيستيكاسىنىڭ ەرەكشەلٸكتەرٸن ايقىندايدى.
فوتو: Ult.kz
ەسٸرەسە, «قىزىل جەبە» رومانىنداعى حالىقتىق رۋح, «اي مەن ايشاداعى» انانىڭ مەيٸرٸمٸ مەن ەلدٸڭ تاعدىرى پۋبليتسيستيكالىق ارقاۋ رەتٸندە تالدانۋى – ەڭبەكتٸڭ قۇندىلىعىن ارتتىرا تٷسەدٸ. بۇل تەك ەدەبي تالداۋ ەمەس, قوعامنىڭ ٶتكەنٸن بٷگٸنمەن ساباقتاستىرىپ, بولاشاققا وي سالاتىن عىلىمي پايىم.
تۇساۋكەسەردە سٶز العان قر ۇعا اكادەميگٸ, پروفەسسور باۋىرجان جاقىپ: – «شەرحان مۇرتازا – حالىقتىڭ شىراقشىسى. ونىڭ پۋبليتسيستيكاسىن زەرتتەۋ – ۇلت ساناسىنا سەۋلە تٷسٸرۋ. بۇل مونوگرافييا – بولاشاقتاعى «شەرحانتانۋ» عىلىمىنىڭ بەرٸك ٸرگەتاسى بولماق», – دەپ باعاسىن بەردٸ.
ۇلت رۋحىن كٶتەرگەن تۇلعالار
جيىندا تانىستىرىلعان ەكٸنشٸ ەڭبەك – جاس عالىم باعدات سۇلتانقىزىنىڭ زەرتتەۋٸ. بۇل – ەدەبيەت پەن كٶسەمسٶزدٸڭ قوس الىبى, ورالحان بٶكەي مەن مۇحتار ماعاۋيننٸڭ شىعارماشىلىق زەرتحاناسىنا ارنالعان.
ورالحان بٶكەيدٸڭ مٶلدٸر پروزاسى مەن قايسار پۋبليتسيستيكاسىن, مۇحتار ماعاۋيننٸڭ تاريحي سانانى وياتقان پۋبليتسيستيكاسىن عىلىمي تۇرعىدان تالداعان ەڭبەك – كٶسەمسٶزدٸ قالامگەرلٸك «اس ٷيٸمەن» بايلانىستىرا زەرتتەۋدٸڭ العاشقى قادامدارىنىڭ بٸرٸ.
فوتو: Ult.kz
زەرتتەۋشٸ قالامگەرلەردٸڭ جازۋ ماشىعىن, ويلاۋ جٷيەسٸن, ستيلدٸك ەرەكشەلٸكتەرٸن سارالاي وتىرىپ, ولاردىڭ شىعارماشىلىق ەۆوليۋتسيياسىنا توقتالادى. ورالحاننىڭ تابيعاتپەن بٸتە قايناسقان پوەتيكالىق تٸلٸ مەن مۇحتاردىڭ تاريحتى كٶركەمدٸكپەن قايتا تٷلەتكەن پۋبليتسيستيكاسىن سالىستىرا وتىرىپ, جاس عالىم تىڭ تۇجىرىمدار جاسايدى.
بۇل ەڭبەكتٸڭ بٸر ارتىقشىلىعى – ارحيۆتٸك ماتەريالدار مەن سيرەك دەرەكتەرگە سٷيەنۋٸ. وسى ارقىلى باعدات سۇلتانقىزى ەدەبيەت پەن پۋبليتسيستيكا اراسىنداعى ٶزارا ىقپالداستىقتى جاڭا قىرىنان اشىپ كٶرسەتەدٸ.
كٶسەمسٶز – جاي عانا اقپارات قۇرالى ەمەس. ول – حالىقتىڭ جان داۋىسى, زامانا شىندىعىنىڭ كٶرٸنٸسٸ, ۇرپاققا قالدىرىلعان امانات. قازاق پۋبليتسيستيكاسىندا شەرحان مۇرتازا سيياقتى الىپتار مەن ورالحان, مۇحتار سىندى تۇلعالاردىڭ شىعارماشىلىعىن تەرەڭ زەرتتەۋ – ۇلتتىق سانانىڭ جاڭا قىرلارىن اشۋعا جول اشادى.
قوس ەڭبەك – وسى باعىتتاعى ماڭىزدى قادام. بٸرٸ – شەرحان مۇراسىن تەرەڭنەن تانىتسا, ەكٸنشٸسٸ – ورالحان مەن مۇحتاردىڭ پۋبليتسيستيكاسىن جاڭا كٶزقاراسپەن پايىمدايدى.
بۇل ەڭبەكتەردٸڭ تاعىلىمى – جاس زەرتتەۋشٸلەرگە ٷلگٸ, بولاشاق جۋرناليستەرگە مەكتەپ, ال جالپى وقىرمان قاۋىمعا وي سالاتىن قۇندى دٷنيە. قازۇۋ قابىرعاسىندا جارىق كٶرگەن قوس عىلىمي ەڭبەك – قازاق پۋبليتسيستيكاسىنىڭ عىلىمي كەڭٸستٸگٸن كەڭەيتكەن جاڭا بەلەس. ولار تەك عىلىمي قاۋىمعا عانا ەمەس, ۇلتتىق ويعا جاناشىر كەز كەلگەن وقىرمانعا ارنالدى.
ۇلتتىق پۋبليتسيستيكا – حالىقتىڭ رۋحاني ايناسى. سول ايناعا جاڭا سەۋلە قۇيعان بۇل ەڭبەكتەر – بٷگٸنگٸ كٷننٸڭ عانا ەمەس, كەلەر ۇرپاقتىڭ دا ولجاسى.
اقبوتا مۇسابەكقىزى
