ۇلتتىق وليمپيادا كوميتەتٸ باس اسسامبلەياسىنىڭ وتىرىسىندا كوميتەتتٸڭ باس حاتشىسى اندرەي كريۋكوۆ بوكسشىلاردىڭ توكيوداعى سەتسٸزدٸگٸنە باعا بەردٸ, دەپ حابارلايدى قازاقپارات.
«بوكستان ۇلتتىق قۇراما كوماندا ريو ويىندارىنىڭ الدىندا اقش-تا دايىندالىپ, ۆاسيليي لەۆيت پەن دانييار ەلەۋسٸنوۆ سيياقتى ٷزدٸكتەر ارنايى باعدارلاما بويىنشا جاتتىققان ەدٸ. بۇل باعدارلاماعا تٸپتٸ بيۋدجەتتەن تىس قاراجات بٶلٸنگەن بولاتىن. بوكسشىلار اراسىندا سوڭعى بٸر جىلدا ەشبٸر جارىستىڭ بولماۋى وليمپيادا تسيكلٸنە دايىندىقتى ناشارلاتتى. توكيو وليمپياداسىنىڭ نەتيجەسٸ ۇلتتىق بٸرٸنشٸلٸكتەرٸندە بەسەكە ٶتە جوعارى ٸرٸ ەلدەر عانا جارىس تەجٸريبەسٸن ٸشكٸ جاعدايدا قامتاماسىز ەتە العانىن كٶرسەتتٸ», - دەدٸ اندرەي كريۋكوۆ.
ونىڭ ايتۋىنا قاراعاندا, ٸشكٸ چەمپيوناتتىڭ دەڭگەيٸ اقش سپورتشىلارىنا - جەڭٸل اتلەتيكادا, بوكس پەن گيمناستيكا سالاسىندا, جاپونييا سپورتشىلارىنا - دزيۋدودا, وڭتٷستٸك كورەيا سپورتشىلارىنا - ساداق اتۋ مەن سەمسەرلەسۋدە تابىستى ٶنەر كٶرسەتۋگە مٷمكٸندٸك بەرگەن.
«بٸزگە ازييا ەلدەرٸنٸڭ پاندەمييا كەزٸندە بٸر-بٸرٸنەن وقشاۋ قالعانى دا كەرٸ ەسەرٸن تيگٸزدٸ. ال ەۋروپا ەلدەرٸندە ٶزارا قاتىناۋ مٷمكٸندٸگٸ بولدى. وسىلايشا سپورتشىلار كٷنتٸزبەسٸن ٶزگەرٸسسٸز قالدىرىپ, جارىس پراكتيكاسىن قاجەتتٸ مٶلشەردە الا بٸلدٸ. تالداۋ جٷرگٸزە كەلٸپ, ساراپشىلار جارىس پراكتيكاسىنىڭ بولماۋىنان بٶلەك, ۇلتتىق قۇراما مٷشەلەرٸنٸڭ مورالدىق-پسيحولوگييالىق دايىندىعى ەلسٸز بولعانىن ايتتى. ەسٸرەسە جەكە سپورت تٷرلەرٸندە سولاي بولعان. دايىندىق جاتتىعۋلارىنىڭ جابىق جاعدايدا ٶتۋٸ جالعىز دايىندالاتىن سپورتشىلاردىڭ پسيحولوگييالىق كٶڭٸل-كٷيٸنە ەسەر ەتكەن. باپكەرلەردٸڭ قاتەلەسكەن تۇسى دا بولدى. بٸراق وعان كٶپ جاعدايدا پاندەمييا شەكتەۋٸنەن جول تابۋ ەرەكەتتەرٸ سەبەپكەر بولعان», - دەدٸ كوميتەتتٸڭ باس حاتشىسى.
