ۇلتتىق وليمپيادا كوميتەتٸنٸڭ باس حاتشىسى اندرەي كريۋكوۆ جٷزۋشٸ دميتريي بالانديننٸڭ توكيوداعى سەتسٸزدٸگٸ تۋرالى پٸكٸر بٸلدٸردٸ, دەپ حابارلايدى قازاقپارات.
«سپورتشىلاردى وليمپياداعا دايىنداۋ جوسپارى 4 جىلدىق تسيكلگە ەسەپتەلگەن. بٸراق پاندەمييا سالدارىنان جوسپار بۇزىلدى. 160-تاي ٸرٸ حالىقارالىق جارىستىڭ ۋاقىتى ىسىرىلىپ, بولماي قالدى. كەيبٸر سپورت تٷرٸ بويىنشا جاتتىعۋ كەزەڭٸ 6 ايعا تولىقتاي توقتاپ تۇردى. وليمپيادا قارساڭىنداعى سپورت جارىستارىنىڭ ماڭىزى زور ەكەنٸن ايتۋ كەرەك. سونىڭ قورىتىندىسى بويىنشا وقۋ-جاتتىعۋ پروتسەسٸنە قاجەتتٸ تٷزەتۋلەر ەنگٸزٸلەتٸن. باپكەرلەر پاندەمييانىڭ قۇبىلمالى شەكتەۋلەرٸ مەن لوكداۋن جاعدايىندا يكەمدٸ شەشٸم ٸزدەۋگە مەجبٷر بولدى. ٶكٸنٸشكە قاراي, ول شەشٸمدەردٸڭ بەرٸ شەتٸنەن تابىستى بولا قويعان جوق. بۇل كەيبٸر سپورت تٷرلەرٸ بويىنشا ٷمٸتكەرلەردٸ دەر بابىنا جەتكٸزۋگە كەدەرگٸ بولدى», - دەگەن ۇوك باس حاتشىسى ەل مەدال كٷتكەن دميتريي بالانديننٸڭ جاپونيياداعى جارىسقا قالاي دايىندالعانىن مىسالعا كەلتٸردٸ.
«چەمپيوندار مەن كانديداتتاردى وليمپيادا الدىندا دايىنداۋ ەردايىم ارنايى جوسپار بويىنشا, ارنايى جاعدايدا ۇيىمداستىرىلاتىن. بۇل جەردە دميتريي بالاندين باستاعان جٷزگٸشتەر كومانداسى ۇزاق ۋاقىت اقش-قا جٸبەرٸلگەنٸن ايتۋعا بولادى. جاستار نەتيجە كٶرسەتە دە باستاعان. تٸپتٸ جاڭا ليتسەنزييالار مەن چەمپيوندار بولادى دەپ ٷمٸتتەنە باستاعانبىز. بٸراق پاندەمييا باستالىپ, سپورتشىلار ەلگە قايتارىلدى», - دەدٸ اندرەي كريۋكوۆ.
