قازاقستان رەسپۋبليكاسىنىڭ سىرتقى ٸستەر مينيسترلٸگٸ رەسەي ازاماتتارىنىڭ قازاقستانعا كٸرۋ جەنە بولۋ تەرتٸبٸ تۋرالى مەسەلەسٸنە تٷسٸنٸكتەمە بەردٸ, - دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
"قازاقستان-رەسەي ىنتىماقتاستىعى ەردايىم سەنٸمنٸڭ جوعارى دەڭگەيٸمەن جەنە سىندارلى تەسٸلدەرٸمەن ەرەكشەلەندٸ. قازٸرگٸ جاعدايدا قر مەملەكەتتٸك ورگاندارى ەلٸمٸزدٸڭ قولدانىستاعى زاڭناماسىن جەنە حالىقارالىق شارتتاردى باسشىلىققا الادى.
رەسەي فەدەراتسيياسىنىڭ بٸزدٸڭ ەلگە كەلەتٸن ازاماتتارى سانىنىڭ ٶسۋٸنە بايلانىستى كەيبٸر قازاقستاندىقتاردىڭ الاڭداۋشىلىعىنا وراي مىنا مەسەلەلەردٸ تٷسٸندٸرۋ قاجەت دەپ سانايمىز.
شەتەل ازاماتتارىنىڭ قازاقستانعا كٸرۋ جەنە بولۋ تەرتٸبٸ بار, ولاردى باقىلاۋدى قر ۇقك شەكارا قىزمەتٸ جەنە تيٸسٸنشە قر ٸٸم جٷزەگە اسىرادى.
قازٸر بارلىق مەملەكەتتٸك ورگان شتاتتىق رەجيمدە جۇمىس ٸستەيدٸ جەنە جاعدايدى تۇراقتى باقىلاۋدى قامتاماسىز ەتٸپ جاتىر. بۇل رەتتە, كەز كەلگەن ەلدٸڭ شەتەلدٸك ازاماتتارىنىڭ قر اۋماعىندا مەرزٸمسٸز بولۋعا قۇقىعى جوق, ولار ەلٸمٸزدٸڭ كٶشٸ-قون زاڭناماسىنىڭ تالاپتارىن ساقتاۋى قاجەت.
بٸز قۇقىقتىق مەملەكەتتە ٶمٸر سٷرٸپ جاتقانىمىزدى جەنە بٸزدٸڭ ٸس-ەرەكەتتەرٸمٸز وسى قاعيداتتاردان تۋىنداۋى تيٸس. سوندىقتان قولدانىستاعى شارتتار ساقتالۋى تيٸس جەنە ىقتيمال قۇقىق بۇزۋشىلىقتاردى ەكٸمشٸلٸك تەرتٸپپەن توقتاتۋ كەرەك.
مەملەكەتتە ۇلتتىق مٷددەلەردٸ قورعاۋدىڭ تەتٸكتەرٸ جەتكٸلٸكتٸ, بۇل ورايدا, ۇلتتىق مٷددە بەرٸنەن دە جوعارى", - دەلٸنگەن حابارلامادا.
ۆەدومستۆو بولىپ جاتقان كەز كەلگەن كٷردەلٸ گەوساياسي جاعدايدا بٸز ۇلتتىق قاۋٸپسٸزدٸكتٸڭ باسىمدىعىنا سٷيەنەتٸنٸن جەنە ەلەمدە ورىن العان قۇبىلمالى احۋال مەملەكەتٸمٸزدٸڭ تۇراقتىلىعى ٷشٸن سىناق بولىپ وتىرعانىن ايتتى.
"سونىمەن بٸرگە, حالقىمىزعا تەن ادامگەرشٸلٸك قاسيەتتەر بەلگٸلٸ بٸر مورالدىق ەرەجەلەردٸ ساقتاۋدى تالاپ ەتەدٸ. ازاماتتارىمىز ٶزٸندٸك دانالىعىن كٶرسەتٸپ, قوناقجايلىلىق دەستٷرٸنە بەرٸك بولادى دەپ سەنەمٸز. قازاقستان - ەگەمەندٸ جەنە تەۋەلسٸز مەملەكەت, قۋاتتى ەرٸ ۇيىمشىل ەل. مەملەكەت باسشىسى كەز كەلگەن جاعدايدا حالىق بٸرلٸگٸنٸڭ ماڭىزدى ەكەنٸن بٸرنەشە رەت ايتتى. قازٸرگٸ قيىن كەزەڭدە كەز كەلگەن ٶتكٸر مەلٸمدەمە نەمەسە ەرەكەت جاعىمسىز ەسەر تۋدىرۋى مٷمكٸن ەكەنٸن ەستە ۇستاعان جٶن.
بٷگٸنگٸ تاڭدا قازاقستاننىڭ ينفراقۇرىلىمى كٶشٸ-قوننىڭ قازٸرگٸ جاعدايىنان سالىستىرمالى تٷردە اۋىرتپالىقسىز ٶتۋگە مٷمكٸندٸك بەرەدٸ. قىزمەت كٶرسەتۋ جەنە سەرۆيس وبەكتٸلەرٸ دە ٶز قۋاتتارى اياسىندا جۇمىس ٸستەيدٸ.
بٸز اعىمداعى احۋالعا مۇقييات مونيتورينگ جٷرگٸزٸپ وتىرمىز جەنە ەلەۋلٸ بٸر قاتەرلەر تۋىنداعان كەزدە حالىقارالىق قۇقىق پەن ۇلتتىق زاڭنامانى ەسكەرە وتىرىپ, تيٸستٸ شارالار قابىلداناتىن بولادى. بٸز مەملەكەتتٸك ورگانداردىڭ رەسمي جەنە وبەكتيۆ اقپاراتىنا سەنۋ ماڭىزدى دەپ سانايمىز, بۇل قاجەتسٸز الاڭداۋشىلىقتىڭ الدىن الۋعا كٶمەكتەسەدٸ", - دەلٸنگەن حابارلامادا.
