ۇلتتىق قوردان بەرٸلەتٸن ترانسفەرتتەردٸ باقىلاۋ كٷشەيتٸلەدٸ. بۇل تۋرالى ٷكٸمەت ٷيٸندە ٶتكەن بريفينگتە قر پرەمەر-مينيسترٸنٸڭ بٸرٸنشٸ ورىنباسارى ەليحان سمايىلوۆ ايتتى, دەپ حابارلايدى قازاقپارات.
«مەملەكەتتٸك قارجىنىڭ تيٸمدٸلٸگٸن ارتتىرۋ جەنە ۇلتتىق قوردىڭ اكتيۆتەرٸن قالپىنا كەلتٸرۋ ماقساتىندا ارنايى مەملەكەتتٸك قارجىنى باسقارۋ تۇجىرىمداماسى قابىلدانادى. ول بيۋدجەت ساياساتىن, مەملەكەتتٸك بورىشتى باسقارۋ, سونداي-اق ۇلتتىق قوردىڭ قاراجاتىن قالىپتاستىرۋ جەنە پايدالانۋ مەسەلەلەرٸن قامتيدى. مەملەكەتتٸك شىعىستاردىڭ تيٸمدٸلٸگٸن جەنە ۇلتتىق قوردان بەرٸلەتٸن ترانسفەرتتەردٸ باقىلاۋ كٷشەيتٸلەدٸ», - دەدٸ بٸرٸنشٸ ۆيتسە-پرەمەر.
وسى رەتتە ول تۇجىرىمدامانىڭ نەگٸزگٸ تەسٸلدەرٸ رەتٸندە مەملەكەتتٸك بورىشتىڭ ٶسۋٸن شەكتەۋ جەنە ونى قاۋٸپسٸز دەڭگەيدە ۇستاپ تۇرۋ ٷشٸن بيۋدجەت تاپشىلىعىن كەزەڭ-كەزەڭٸمەن تٶمەندەتۋ; بورىش تۇراقتىلىعىنىڭ نەگٸزگٸ كٶرسەتكٸشتەرٸن بەلگٸلەۋ; بارىنشا ەكونوميكالىق تيٸمدٸلٸككە قول جەتكٸزۋ ٷشٸن كەلەسٸ شارالاردى ايقىنداۋ ۇسىنىلعانىن ايتتى.
«بيۋدجەت كٸرٸستەرٸن ۇلعايتۋ بٶلٸگٸندە كٶلەڭكەلٸ ەكونوميكاعا قارسى ٸس-قيمىل جٶنٸندەگٸ ٸس-شارالار جوسپارى ٸسكە اسىرىلۋدا. جوسپاردا بيزنەستٸ كٶلەڭكەدەن شىعۋعا ىنتالاندىرۋعا, سالىق جەنە كەدەن تٶلەمدەرٸن تٶلەۋدەن جالتارۋعا قارسى كٷرەستٸ كٷشەيتۋگە باعىتتالعان ٸس-شارالار كٶزدەلگەن. سونداي-اق, ارتىق توسقاۋىلداردى الىپ تاستاۋ جەنە زاڭسىز ساۋدا اينالىمىنا قارسى ٸس-قيمىل بويىنشا اۋقىمدى ٸس-شارالار جٷرگٸزٸلۋدە», - دەدٸ ەليحان سمايىلوۆ.
