© Photo: Unsplash/لەو ريۆاس
"ۇلتتىق قور – بالالارعا" باعدارلاماسى اياسىندا 18 جاسقا تولماعان بالالاردىڭ ارنايى شوتىنا العاشقى اقشا 2024 جىلى 1 اقپاندا تٷسەدٸ. بۇل تۋرالى قارجى ۆيتسە-مينيسترٸ دەۋرەن تەمٸربەكوۆ مەلٸمدەدٸ, دەپ حابارلايدى Sputnik قازاقستان.
ول "ۇلتتىق قور – بالالارعا" باعدارلاماسى كەلەسٸ جىلى 1 قاڭتاردا ٸسكە قوسىلاتىنىن اتاپ ٶتتٸ. ال بٸر ايدان كەيٸن كەمەلەتكە تولماعان بالالاردىڭ شوتىنا اقشا تٷسە باستايدى.
"العاشقى تٶلەمدەر 2024 جىلى 1 اقپاندا تٷسەدٸ. نەگە بۇلاي? بٸر بالاعا قانشا سوما اۋدارىلاتىنىن انىقتاۋ ٷشٸن ەسەپتەۋلەر جٷرگٸزۋگە بٸر اي ۋاقىت كەتەدٸ. بۇل قاراپايىم اريفمەتيكا: 18 جىل ٸشٸندەگٸ ينۆەستيتسييالىق تابىستىڭ 50%-ٸ 18 جاسقا دەيٸنگٸ بالالاردىڭ سانىنا بٶلٸنەدٸ. وسىلايشا بٸر بالاعا بەرٸلەتٸن سوما انىقتالادى. بۇل اقشا كەلەسٸ جىلدىڭ 1 اقپانىندا اۋدارىلادى", - دەدٸ تەمٸربەكوۆ ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سونداي-اق ۆيتسە-مينيستر اتا-انالار بالالارىنىڭ شوتىنا اقشا تٷسٸپ-تٷسپەگەنٸن قالاي تەكسەرە الاتىنىن ايتتى.
"بجزق سايتى ارقىلى باقىلاۋعا بولادى. جسن ەنگٸزٸپ, بالاعا قاراجات اۋدارىلدى ما, جوق پا, تەكسەرە الادى. ال بٸرنەشە جىل ٸشٸندەگٸ سومانى بٸلۋ ٷشٸن Egov-تاعى جەكە كابينەتكە كٸرۋ كەرەك. ينتەگراتسييا بويىنشا تيٸستٸ جۇمىستار جٷرگٸزٸلٸپ جاتىر, جىل سوڭىنا دەيٸن اياقتالادى", - دەپ سەندٸردٸ تەمٸربەكوۆ.
ايتا كەتەيٸك, قازاقستاندىق بالالار 18 جاسقا تولعاننان كەيٸن شوتتاعى اقشانى ەكٸ ماقساتقا عانا جۇمساي الادى: باسپانا ساتىپ الۋعا نەمەسە وقۋ اقىسىن تٶلەۋگە. بۇل رەتتە بالالارعا اقشانى شەتەلدە بٸلٸم الۋ ٷشٸن پايدالانۋعا رۇقسات ەتٸلەدٸ.
