فوتو: Abai.kz
قر مەدەنيەت جەنە اقپارات مينيسترلٸگٸنە قاراستى ۇلتتىق كينونى قولداۋ مەملەكەتتٸك ورتالىعى تٶرت جاڭا انيماتسييالىق فيلمنٸڭ ٶندٸرٸسٸن باستادى. جوبالار بالالار مەن جاسٶسپٸرٸمدەرگە ارنالعان, دەپ حابارلايدى Ult.kz.
انيماتسييالىق فيلمدەر وتاندىق انيماتسييا سالاسىن دامىتۋعا, مەدەني قۇندىلىقتاردى ناسيحاتتاۋعا جەنە جاس ۇرپاققا ارنالعان تەربيەلٸك, قىزىقتى كونتەنت ۇسىنۋعا باعىتتالعان.
ۇلتتىق كينو ورتالىعىنىڭ باسقارما تٶراعاسى قۇرمانبەك جۇماعاليدٸڭ ايتۋىنشا, انيماتسييا – بالالار مەن جاستاردىڭ دٷنيەتانىمىن قالىپتاستىراتىن ماڭىزدى قۇرال. ۇلتتىق جوبالاردى قولداۋ ارقىلى مەدەني مۇرانى ساقتاپ قانا قويماي, جاڭا بۋىن اۆتورلارىنا دا جول اشاتىنىن ايتتى.
مەملەكەتتٸك قولداۋعا يە بولعان جوبالاردىڭ بٸرٸ – «كوماندا ا» اتتى شىتىرمان وقيعالى انيماتسييالىق فيلمٸ. فيلمدە جاسٶسپٸرٸم قىز اتا-اناسىمەن بٸرگە ويىن-ساۋىق پلانەتاسىنا ساپار شەگٸپ, بٶتەنعالامشارداعى كٷرەسكە تاپ بولادى. بۇل – دوستىق, وتباسىلىق قۇندىلىقتار مەن مەيٸرٸمدٸلٸكتٸ دەرٸپتەيتٸن وقيعا.
بۇدان بٶلەك «بەيتەرەك تۋرالى اڭىز» اتتى دەبيۋتتٸك انيماتسييالىق فيلمٸ دە ەزٸرلەنۋدە. فيلمدە قىران ەسٸمدٸ جەتٸم بالا قاسيەتتٸ اعاش – بەيتەرەكتٸ ساقتاۋ ٷشٸن سيقىرلى رۋحتار ەلەمٸنە ساياحات جاسايدى. ول ٶزٸنٸڭ شىعۋ تەگٸن زەرتتەپ, ادامدار مەن رۋحتار اراسىنداعى تەپە-تەڭدٸكتٸ ساقتاۋعا تىرىسادى.
جاڭا «الان تۋرالى اڭىز» فيلمٸ دە ٶندٸرٸسكە جٸبەرٸلدٸ. بۇل تۋىندىدا زۇلىم كٷشتەر شابۋىلداعان بەيبٸت قالانى قورعاۋ ٷشٸن كٷرەسكەن الان ەسٸمدٸ باتىردىڭ ەرلٸگٸ باياندالادى. فيلم ەدٸلەت, باتىلدىق پەن ادالدىق سەكٸلدٸ قۇندىلىقتاردى ناسيحاتتايدى.
تٶرتٸنشٸ جوبا – «جٸبەك» فيلمٸ. بۇل فيلم قازٸرگٸ جٸبەك جولىنىڭ يدەياسىنان شابىت العان. نەرەستە كەزٸندە ايداھار قۇتقارعان جٸبەك ەسەيٸپ, جوعالعان كەرۋەندٸ ٸزدەۋگە شىعادى. ول تۋعان دالاسىنا ورالىپ, قىز بالانىڭ دا باتىر, كٶشباسشى بولا الاتىنىن دەلەلدەيدٸ.
اتالمىش جوبالار وتاندىق انيماتسييا سالاسىنا جاڭا سەرپٸن بەرٸپ, جاس كٶرەرمەنگە ساپالى ەرٸ مازمۇندى تۋىندىلار ۇسىنادى.
