وڭتٷستٸك قازاقستان وبلىسىندا «ۇلتتىق كيٸم - ۇرپاققا مۇرا» تاقىرىبىندا سەمينار-ترەنينگ ٶتتٸ. وبلىستىق ەدەت-عۇرىپ جەنە سالت-دەستٷر ورتالىعى ۇيىمداستىرعان باسقوسۋعا ٶڭٸردەگٸ ۇلتتىق كيٸم ٶندٸرەتٸن كەسٸپكەرلەر مەن ديزاينەرلەر قاتىستى, دەپ حابارلايدى قازاقپارات تٸلشٸسٸ.
ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسى اياسىندا ۇيىمداستىرىلعان شارادا سٶز العان جوبالىق كەڭسەنٸڭ جەتەكشٸسٸ باقىتجان ەشٸربەكوۆ, ۇلتتىق كيٸمنٸڭ ەربٸر حالىقتىڭ سالت-دەستٷرٸ مەن مەدەنيەتٸن ايشىقتايتىن قۇندى دٷنيە ەكەندٸگٸنە توقتالىپ ٶتتٸ. سەمينار-ترەنينگكە قاتىسقان ديزاينەرلەر مەن تٸگٸن شەبەرلەرٸ ۇلتتىق كيٸم تٷرلەرٸن بٷگٸنگٸ زامان تالابىنا ساي, كٷندەلٸكتٸ تۇرمىستا كييۋگە ىڭعايلى ەتٸپ تٸگۋ مەسەلەسٸن كٶتەردٸ. جاستاردىڭ ەستەتيكالىق تالعامىن, ۇلتتىق كيٸم تاريحىن زەرتتەۋگە قىزىعۋشىلىعىن ارتتىرۋ ەكەنٸنە توقتالدى. سونداي-اق, قازاقى كيٸمنٸڭ بارشا سىمباتى مەن ويۋ-ٶرنەگٸندە, ەربٸر ەشەكەيٸندە حالقىمىزدىڭ تاريحىنىڭ, وي-دٷنيەسٸنٸڭ قايتالانباس كٶرٸنٸسٸ بار ەكەندٸگٸن حالىققا جەتكٸزۋ مەسەلەلەرٸ جٶنٸندە ەڭگٸمە قوزعادى. وسى ماقساتتا سەميناردى ۇيىمداستىرۋشىلار «ۇلتتىق كيٸم - ۇرپاققا مۇرا» اتتى جاڭا جوبا باستالعانىن اتاپ ٶتتٸ.
«قادٸرلٸ قوناقتى, ەل اعالارىن سىيلاۋ, قادٸر تۇتۋ ماقساتىندا يىعىنا شاپان جاۋىپ, ٸلتيپاتىمىزدى بٸلدٸرەمٸز. سوڭعى ۋاقىتتا ول تويدىڭ عانا سەنٸ. قۇرمەتتٸ ازاماتتارعا تٸلەك بارىسىندا عانا جابامىز, سوسىن سٶمكەگە سالىنادى نە ساندىقتىڭ تٷبٸنە كەتەدٸ. سونشالىقتى قاسيەتٸنەن ايىرىلعاندىعى سول, شاپان بەس-التى تويدى اينالىپ ٶزٸڭە قايتا كەلەدٸ. شارانى ۇيىمداستىرۋداعى ماقسات كەسٸپكەرلەر, شەبەرلەر, تٸگٸنشٸ, ديزاينەرلەرمەن بٸرلەسە وتىرىپ, ۇلتتىق كيٸمگە دەگەن قوعامدىق سانانى ٶزگەرتۋ. قايتسەك قۇندىلىقتى جاڭعىرتامىز, كٷندەلٸكتٸ زامان اعىمىنا قاراي ٶزگەرتۋگە بولاتىن تۇستارى بار ما? حالىققا جاڭاشا بٸر دٷنيەلەر ۇسىنۋدى سٸزدەرمەن اقىلداسا وتىرىپ شەشسەك», - دەدٸ ٶڭٸردەگٸ قوعامدىق سانانى جاڭعىرتۋ باعدارلاماسىن جٷزەگە اسىرۋ جٶنٸندەگٸ جوبالىق كەڭەستٸڭ جەتەكشٸسٸ باقىتجان ەشٸربەكوۆ.
ۇيىمداستىرۋشىلاردىڭ ايتۋىنشا, جوبانىڭ قورىتىندىسى كەلەسٸ جىلدىڭ قازان ايىندا شىعارىلادى. وعان دەيٸن جوبا اياسىندا تٷرلٸ باسقوسۋلار, ناسيحات جەنە دەرٸپتەۋ شارالارى, ۇلتتىق كيٸمدەر فەستيۆالٸ ٶتەدٸ.
