ۇلتتىق حالىق ساناعىن ٶتكٸزۋگە بيۋدجەتتەن 8,2 ملرد تەڭگە بٶلٸندٸ. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگتە ايتىلدى, دەپ حابارلايدى قازاقپارات.
«2018 جىلدان باستاپ 2022 جىل ارالىعىندا قازاقستان رەسپۋبليكاسىنىڭ ۇلتتىق حالىق ساناعىنا دايىندىق جەنە ٶتكٸزۋ ٷشٸن كوميتەتكە 8 ملرد 211 ملن تەڭگە سوماسىندا قارجى قاراستىرىلعان. سالىستىرىپ ايتاتىن بولساق, 2009 جىلعى قازاقستان رەسپۋبليكاسى حالىق ساناعىنىڭ بيۋدجەتٸ 6,5 ملرد تەڭگەنٸ قۇرادى. 2009 جىلعى حالىق ساناعىن ٶتكٸزۋ كەزٸندە بٸر ادامعا شاققانداعى شىعىندار - 2,9 اقش دوللارىن قۇراسا, 2020 جىلى - 1,2 اقش دوللارىن قۇرايدى. ال 2020 جىلعى رەسەي فەدەراتسيياسى حالىق ساناعىنىڭ بيۋدجەتٸ 50 ملرد رۋبل بولدى. رەسەيدە ساناق ٶتكٸزۋ كەزٸندەگٸ بٸر ادامعا شاققانداعى شىعىندار – 3,6 اقش دوللارىن قۇرايدى- دەيدٸ قر ۇلتتىق ەكونوميكا مينيسترلٸگٸ ستاتيستيكا كوميتەتٸنٸڭ تٶراعاسى نۇربولات ايداپكەلوۆ.
سونداي-اق, كوميتەت تٶراعاسى ۇلتتىق حالىق ساناعى ٷشٸن بيۋدجەتتەن بٶلٸنەتٸن قارجى قايدا جەنە قالاي جۇمسالاتىنى تۋرالى ايتتى.
«بيۋدجەتتٸڭ نەگٸزگٸ بٶلٸگٸ 3 ملرد 7 ملن تەڭگە ينتەرۆيۋەرلەردٸڭ ەڭبەگٸنە تٶلەنەدٸ. وناين رەسۋرس پەن اقپاراتتىق جٷيەگە دە قارجى كەتتٸ. ودان كەيٸن ەربٸر وبلىس ورتالىقتارىندا ساناق جٷرگٸزۋ بٶلٸمدەرٸن اشتىق. سودان كەيٸن, اۋدان, اۋىلداردا ساناق جٷرگٸزۋ ٷشٸن كٶلٸك جالدايتىن بولامىز. سونداي-اق, شامامەن 1 ملرد تەڭگەگە پلانشەتتەر, سۋمكالار, شارفتار ساتىپ الدىق. بۇل تۋرالى مەلٸمەتتەر سايتتا اشىق كٶرسەتٸلگەن», - دەيدٸ ول.
