Ulttyq halyq sanaǵyn ótkizýge biýdjetten 8,2 mlrd teńge bólindi. Bul týraly Ortalyq kommýnikatsiialar qyzmetinde ótken brifingte aityldy, dep habarlaidy QazAqparat.
«2018 jyldan bastap 2022 jyl aralyǵynda Qazaqstan Respýblikasynyń Ulttyq halyq sanaǵyna daiyndyq jáne ótkizý úshin Komitetke 8 mlrd 211 mln teńge somasynda qarjy qarastyrylǵan. Salystyryp aitatyn bolsaq, 2009 jylǵy Qazaqstan Respýblikasy halyq sanaǵynyń biýdjeti 6,5 mlrd teńgeni qurady. 2009 jylǵy halyq sanaǵyn ótkizý kezinde bir adamǵa shaqqandaǵy shyǵyndar - 2,9 AQSh dollaryn qurasa, 2020 jyly - 1,2 AQSh dollaryn quraidy. Al 2020 jylǵy Resei Federatsiiasy halyq sanaǵynyń biýdjeti 50 mlrd rýbl boldy. Reseide sanaq ótkizý kezindegi bir adamǵa shaqqandaǵy shyǵyndar – 3,6 AQSh dollaryn quraidy- deidi QR Ulttyq ekonomika ministrligi Statistika komitetiniń tóraǵasy Nurbolat Aidapkelov.
Sondai-aq, komitet tóraǵasy Ulttyq halyq sanaǵy úshin biýdjetten bólinetin qarjy qaida jáne qalai jumsalatyny týraly aitty.
«Biýdjettiń negizgi bóligi 3 mlrd 7 mln teńge interviýerlerdiń eńbegine tólenedi. Onain resýrs pen aqparattyq júiege de qarjy ketti. Odan keiin árbir oblys ortalyqtarynda sanaq júrgizý bólimderin ashtyq. Sodan keiin, aýdan, aýyldarda sanaq júrgizý úshin kólik jaldaityn bolamyz. Sondai-aq, shamamen 1 mlrd teńgege planshetter, sýmkalar, sharftar satyp aldyq. Bul týraly málimetter saitta ashyq kórsetilgen», - deidi ol.
