بٷگٸن ۇلتتىق قوعامدىق سەنٸم كەڭەسٸنٸڭ تٶرتٸنشٸ وتىرىسىندا كەڭەس مٷشەسٸ لەززات قوجاحمەتوۆا كٶپبالى وتباسىلاردىڭ باسپانا الۋى مەسەلەسٸن كٶتەردٸ, دەپ حابارلايدى قازاقپارات.
«تۇرعىن ٷي ساياساتى سالاسىندا بٸر مەزەتتە جەتٸ مەملەكەتتٸك وپەراتور جۇمىس ٸستەيدٸ ەكەن. بٸراق, وسى ۋاقىتقا دەيٸن باسپانا كەزەگٸندە تۇرعان ادامداردىڭ تٸزٸمٸن اشىق جارييالايتىن رەسپۋبليكالىق سايت جوق. ياعني كٸم كەزەكتەن ٷي الدى? ٶز كەزەگٸمەن الىپ جاتىر ما? جەمقورلىق فاكتٸلەرٸ ورىن الدى ما? وسىنىڭ بارلىعى اشىق تٷردە سايتتا كٶرٸنۋٸ كەرەك. بىلتىر ٷي العاندار قازٸردٸڭ ٶزٸندە كەزەكتە تۇر, كەزەك جاڭارماي جاتىر», - دەدٸ ل. قوجاحمەتوۆا.
بۇدان بٶلەك, ول قازٸر قازاقستاندا 30 مىڭعا جۋىق كٶپبالالى وتباسى باسپانا كەزەگٸندە تۇرعانىن جەتكٸزدٸ.
«ولارعا ارەندالىق باسپانا بەرەدٸ. بٸراق جالعا بەرٸلەتٸن پەتەر مۇراعا قالدىرىلمايدى, اتىنا تٷسپەيتٸندٸكتەن, حالىق يپوتەكا الىپ, ٶزٸنٸڭ اتتارىنا تٷسەتٸن مەنشٸك ٷي بولعانىن قالايدى. بۇعان بايلانىستى بٸزدە قازاقستاندا «7-20-25», «5-10-20» دەگەن باعدارلامالار شىقتى جەنە ولار ٶتە جاقسى باعدارلامالار دەپ سانايمىز. الايدا, وسى باعدارلامامەن ٷي الۋدىڭ ٶزٸنٸڭ قيىندىقتارى بار. مەسەلەن, وسى ەكٸ باعدارلاما بويىنشا تەك جاڭا ٷيلەرگە عانا يپوتەكا بەرٸلەدٸ. جاڭا ٷيلەردٸڭ باعاسى قىمبات, 15 ملن تەڭگەگە بٸر بٶلمەلٸ عانا پەتەر الۋعا بولادى. تٶرت-بەس بالاسى بار وتباسىعا بٸر بٶلمەلٸ پەتەردٸ 20 جىلعا يپوتەكاعا الۋ تيٸمسٸز», - دەدٸ كەڭەس مٷشەسٸ.
وسى ورايدا, «5-10-20» باعدارلاماسىمەن يپوتەكانى ەكٸنشٸ نارىقتاعى, ياعني ارزان ەرٸ جٶندەۋدەن ٶتكەن ٷيلەرگە بەرۋ ۇسىنىسى ايتىلدى.
