جاڭادان قۇرىلعان ۇلتتىق قوعامدىق سەنٸم كەڭەسٸ ساياسي قوعامداعى ەڭ ٶزەكتٸ مەسەلەلەر بويىنشا ۇسىنىستار بەرۋٸ تيٸس. بۇل تۋرالى «كيەلٸ قازاقستان» عىلىمي-زەرتتەۋ ورتالىعىنىڭ باسشىسى, ۇلتتىق قوعامدىق سەنٸم كەڭەسٸنٸڭ مٷشەسٸ بەرٸك ەبدٸعاليۇلى ايتىپ بەردٸ, دەپ حابارلايدى قازاقپارات تٸلشٸسٸ.
«ۇلتتىق كەڭەس قۇرۋ پرەزيدەنتتٸڭ سايلاۋالدى پلاتفورماسىندا كٶرسەتٸلگەن. بٸر جاعىنان قوعامداعى تٷرلٸ پٸكٸرلەردٸ ەسكەرٸپ, سوعان ۇسىنىستاردى جيناۋ بولسا, ەكٸنشٸ جاعىنان نەگٸزگٸ ديالوگتىق الاڭ جاساۋ, ماماندارمەن, ساراپشىلارمەن اقىلداسۋ بويىنشا قۇرىلادى دەگەن جوسپار بار. ونىڭ قۇرامىندا قوعامدىق پٸكٸردٸ قالىپتاستىرىپ جٷرگەن قايراتكەرلەر, جۋرناليستەر, بلوگەرلەر, ساياساتكەرلەر بار. مەنٸڭشە بۇل دا بٸر پرەزيدەنت جانىنداعى كونسۋلتاتيۆتٸ-كەڭەسشٸ ورگان رەتٸندە ساياسي رەفورمالار, ەلەۋمەتتٸك, ەكونوميكالىق جاعدايلارعا بايلانىستى قاجەتتٸ جەنە ەلٸمٸزدٸڭ دامۋىنا ماڭىزدى ۇسىنىستار بەرٸپ وتىرۋى تيٸس», - دەدٸ بەرٸك ەبدٸعاليۇلى.
پرەزيدەنت ەكٸمشٸلٸگٸندە ارنايى تالداۋ جٷرگٸزٸلٸپ, ۇلتتىق كەڭەستٸڭ 41 مٷشەسٸ ٸرٸكتەلٸپ الىنعان. ولار جىلىنا كەم دەگەندە ٷش رەت جينالىپ, ٶزەكتٸ مەسەلەلەردٸ تالقىلاۋى تيٸس.
«جەكە ٶزٸم رۋحانييات, ۇلتتىڭ دامۋى, جەرگٸلٸكتٸ مەملەكەتتٸك باسقارۋ, ونىڭ ٸشٸندە اۋىل مەسەلەسٸ, ەكٸمدەردٸڭ جۇمىسى, ٶڭٸرلٸك ساياساتىنا بايلانىستى تەجٸريبەم مەن ۇسىنىستارىمدى بٶلٸسەمٸن دەپ ويلايمىن. ساياسي رەفورمالاردىڭ قاجەتتٸلٸگٸن, ليبەرالدىق پرينتسيپتەردٸ ٸسكە اسىرۋ قاجەتتٸلٸگٸن ايتۋىمىز كەرەك», - دەدٸ سپيكەر.
ەسكە سالا كەتسەك, بٷگٸن مەملەكەت باسشىسى قاسىم-جومارت توقاەۆ ۇلتتىق قوعامدىق سەنٸم كەڭەسٸ تۋرالى جارلىققا قول قويدى. سونداي-اق كەڭەستٸڭ قۇرامىنا كٸمدەر ەنگەنٸ بەلگٸلٸ بولدى.
