ەۋرازييالىق ينتەگراتسييا ينستيتۋتىنىڭ ساراپشىسى باۋىرجان سەرٸكباەۆ ۇلتتىق قوعامدىق سەنٸم كەڭەسٸ قۇرىلعالى بەرٸ التى ايدىڭ ٸشٸندە اتقارىلعان جۇمىستاردى قورىتىندىلادى, دەپ حابارلايدى قازاقپارات.
ەۋرازييالىق ينتەگراتسييا ينستيتۋتىندا «ۇلتتىق قوعامدىق سەنٸم كەڭەسٸ: تالدامالىق زەردەلەۋ» اتتى ساراپتامالىق بايانداما جاساعان ساراپشى كەڭەس قۇرىلعالى بەرٸ ەكٸ باسقوسۋ ٶتكەنٸن ەسكە سالدى.
«وسى وتىرىستار قانداي مەسەلەلەردٸ قامتىپ, ناقتى قانداي جۇمىستار ٸستەلدٸ? بٸرٸنشٸدەن, بەيبٸت جيىن ٶتكٸزۋ تۋرالى زاڭ جوباسى قازٸر حالىقتىڭ تالقىلاۋى ٷشٸن ينتەرنەتكە شىقتى. بۇل جەردە بٸزدٸڭ كەز كەلگەن ازاماتىمىز زاڭنىڭ ەربٸر بابى بويىنشا وي-پٸكٸرلەرٸن ايتا الادى. زاڭ جوباسى پارلامەنتكە شىقپاي تۇرىپ, قوعامنىڭ ٶز ۇسىنىستارىمەن وعان ٶزگەرٸس ەنگٸزۋگە مٷمكٸندٸگٸ بار. ەكٸنشٸدەن پارتييانى تٸركەۋ ٷشٸن 20 مىڭ ادامنىڭ قولى جەتكٸلٸكتٸ. ٶزدەرٸڭٸز بٸلەتٸندەي بۇرىنعى تالاپ – 40 مىڭ ادام بولعان ەدٸ. ٷشٸنشٸسٸ – قىلمىستىق كودەكستٸڭ 174-بابىن (ەلەۋمەتتiك, ۇلتتىق, رۋلىق, نەسiلدiك, تەكتٸك-توپتىق نەمەسە دiني الاۋىزدىقتى قوزدىرۋ) قايتا قاراستىرۋ. ياعني بۇرىن بۇل باپ بويىنشا باس بوستاندىعىنان ايىرۋعا دەيٸنگٸ جازا تاعايىندالىپ كەلسە, قازٸر بۇل جازانى ەكٸمشٸلٸك جازاعا اۋىستىرۋ پروتسەسٸ جٷرٸپ جاتىر. پارلامەنتتٸك وپپوزيتسييا بويىنشا دا تالقى كٶپ. پارلامەنتتە مٸندەتتٸ تٷردە وپپوزيتسييا بولۋى كەرەك, ٶز ويلارىن ايتاتىن پارتييالار دا پارلامەنتكە كٸرۋ كەرەك دەگەن وڭ ٶزگەرٸستەر بولىپ جاتىر», - دەدٸ باۋىرجان سەرٸكباەۆ ەلوردادا ٶتكەن باياندامانىڭ تانىستىرىلىمىندا.
ساراپشى ۇلتتىق كەڭەسكە قاتىستى قوعامدا تٷرلٸ سىني پايىم-پٸكٸرلەر ايتىلىپ جاتقانىن زاڭدىلىق دەپ قابىلداۋ كەرەكتٸگٸن ايتادى.
«بٸز سىننان قاشپاۋىمىز كەرەك. ولاردى تىڭداي وتىرىپ, كەرٸسٸنشە ۇلتتىق كەڭەستٸڭ جۇمىسىن جەتٸلدٸرٸپ, ونى حالىق ٷنٸن بيلٸككە جەتكٸزەتٸن پلاتفورما بولاتىنداي دەڭگەيگە الىپ شىققانىمىز ابزال. ۇلتتىق كەڭەس – جاڭادان قۇرىلعان ۇيىم. قازٸرگٸ تاڭدا ونىڭ وتىرىستارىن ايماقتاردا ٶتكٸزۋگە قاتىستى ۇسىنىستار ايتىلدى. راسىندا دا, ايماقتاردا بٸز ەستٸپ, بٸلمەي جاتقان پروبلەمالار بارشىلىق. بٸر عانا مىسال – قورداي وقيعاسى. سول سەبەپتٸ جەدەل تٷردە وقيعا ورنىنا شىعىپ, مەسەلەنٸ جەرگٸلٸكتٸ جەردە تالقىلاسا مەنٸڭ ويىمشا, بەلگٸلٸ بٸر پوزيتيۆتٸ ٶزگەرٸستەر بولار ەدٸ. سونىمەن قاتار ۇلتتىق كەڭەستٸڭ وتىرىسىن ٷش ايدا بٸر مەرتە ەمەس, مٷمكٸندٸگٸنشە ايىنا بٸر رەت ٶتكٸزٸپ, ۇلتتىق كەڭەستٸڭ رٶلٸن ارتتىرۋ كەرەك دەگەن ويدامىن», - دەيدٸ ول.
ساراپشىنىڭ ايتۋىنشا, ەلٸمٸزدە «مەملەكەتتٸك تٸل تۋرالى» جاڭا زاڭدى قابىلداۋ مەسەلەسٸ دە ٶزەكتٸلٸگٸن ارتتىرىپ كەلەدٸ. بۇل زاڭعا دەگەن حالىق پەن قوعام تاراپىنان سۇرانىس جوعارى بولىپ وتىر.
