پارلامەنت سەناتىنىڭ جالپى وتىرىسىندا ۇلتتىق ەكونوميكا مينيسترٸ ەسەت ەرعاليەۆ 2021 جىلعا ارنالعان ماكروەكونوميكالىق كٶرسەتكٸشتەر مەن بيۋدجەتتٸك پارامەترلەردٸ تانىستىردى, دەپ حابارلايدى قازاقپارات.
«ماكروكٶرسەتكٸشتەردٸڭ بولجامى ەل ەكونوميكاسىنىڭ ٶسۋٸ بويىنشا جەدەل دەرەكتەردٸ, ەلەمدٸك ەكونوميكا مەن نارىقتاعى ٷردٸستەردٸ ەسكەرە وتىرىپ, ناقتىلاندى. جالپى ٸشكٸ ٶنٸمنٸڭ ٶسۋ قارقىنى قاڭتار ايىنداعى مينۋس 4,5% پايىزدان سەۋٸر ايىنىڭ قورىتىندىسى بويىنشا پليۋس 0,7% پايىزعا دەيٸن جاقساردى. ماكروكٶرسەتكٸشتەردٸ ناقتىلاۋ كەزٸندە مۇنايدىڭ ورتاشا جىلدىق باعاسى باررەلٸنە 50 دوللار دەڭگەيٸندە ايقىندالدى. دٷنيەجٷزٸلٸك بانك پەن حالىقارالىق ۆاليۋتا قورىنىڭ بولجامدارى بويىنشا ەلەمدٸك ەكونوميكانىڭ ٶسۋٸ وسى جىلى 4,3% جەنە 6 % قۇرايدى. جوعارىدا باياندالعانداردى ەسكەرە وتىرىپ, ەل ەكونوميكاسىنىڭ ٶسۋ بولجامى 2,8% پايىزدان 3,1% دەيٸن جاقساردى. وسىلايشا ەكونوميكالىق ٶسٸم قالپىنا كەلۋ ساتىسىندا بولادى», - دەدٸ مينيستر.
بۇل رەتتە نومينالدى جالپى ٸشكٸ ٶنٸم 77,8 ترلن تەڭگە كٶلەمٸندە باعالانۋدا. سىرتقى سۇرانىستى قالپىنا كەلتٸرۋ اياسىندا مەتاللۋرگيياداعى ٶندٸرٸستٸڭ نەعۇرلىم بەلسەندٸ ٶسۋ ەسەبٸنەن ٶڭدەۋشٸ ٶنەركەسٸپتەگٸ بولجامدى كٶرسەتكٸشتەر 4,1%-دان 5,2% -عا دەيٸن جاقساردى.
«ۇلتتىق بانكتٸڭ بولجامى بويىنشا ەكسپورت 10,8 ملرد دوللارعا, ياعني 52,2 ملرد دوللارعا دەيٸن ۇلعايادى. يمپورت 37,1 ملرد دوللاردى قۇرايدى. ينفلياتسييا بۇرىن بەكٸتٸلگەن 4-6% دەلٸزدە ساقتالدى. تٷزەتٸلگەن ماكروەكونوميكالىق بولجام نەگٸزٸندە 2021 جىلعا ارنالعان رەسپۋبليكالىق بيۋدجەت پارامەترلەرٸنٸڭ بولجامى ناقتىلاندى. رەسپۋبليكالىق بيۋدجەتتٸڭ كٸرٸستەرٸ ترانسفەرتتەردٸ ەسەپكە الماعاندا 2021 جىلى 7 ترلن 204 ملرد تەڭگە كٶلەمٸندە باعالانادى. ۇلتتىق قوردان كەپٸلدەندٸرلگەن ترانسفەرت ٶزگەرمەيدٸ جەنە 2 ترلن 700 ملرد تەڭگە مٶلشەرٸندە ساقتالدى. ۇلتتىق قوردان نىسانالى ترانسفەرت 1 ترلن تەڭگەدەن 1 ترلن 850 ملرد تەڭگەگە دەيٸن ۇلعايادى. رەسپۋبليكالىق بيۋدجەت شىعىستارى 15 ترلن 334 ملرد تەڭگە كٶلەمٸندە بولجانىپ وتىر. بيۋدجەت تاپشىلىعى جالپى ٸشكٸ ٶنٸمگە قاتىستى 3,5% دەڭگەيٸندە بولجانىپ وتىر», - دەدٸ ەرعاليەۆ.
